العلاقه بين الشاب والفتاة خارج إيطار الزواج [الأرشيف]

شوف النسخة كاملة : العلاقه بين الشاب والفتاة خارج إيطار الزواج

°• Carmel •°

05-02-2007, 01:34 AM

( العلاقه بين الشاب والفتاة خارج إيطار الزواج )

http://www.6b6b.com/smiles/3/20a9f9cabd0ed581bf21803dcf1bc2bb.gif (http://smiles.6b6b.com/)

محور النقاش سيدور حول إجابتك على هذه الأسئله التاليه :

( اسئلة الشباب ) http://www.6b6b.com/smiles/10/Big-Smiles-32.gif (http://smiles.6b6b.com/)

1- ماهي نظرتك الشخصيه بالفتاة التي تقبل محادثتك هاتفياً ؟

2- هل تقبل الزواج من فتاة تعرفت عليها عن طرق رقم أعطيته اياها ؟

3- فتاة تسير في الشارع متبرجه مارأيك بها .. وهل تحكم على أخلاقها بمجرد أنها متبرجه ؟

4-فتاة ذات سمعه سيئه لكنها تابت توبه صادقه وأصلحت أخطائها

هل تقبل بالإرتباط بها ..؟

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

( أسئلة البنات ) http://www.6b6b.com/smiles/10/36_1_62[1].gif (http://smiles.6b6b.com/)

1- ما رأيك بالشاب الذي يستمتع بمضايقه البنات في الأماكن العامه ؟

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟

3. هل تقبلين بمحادثه شاب القى لكِ الرقم ؟

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=

( سؤال عام )

مارأيكم بتقليد البنات والشباب للغرب ( التقليد الأعمى السلبي ) ..؟؟

Priceless-David

05-02-2007, 02:35 AM

. . . http://www.9m.com/upload/31-01-2007/0.546011271325.gif . . .

1- ما رأيك بالشاب الذي يستمتع بمضايقه البنات في الأماكن العامه ؟

أعتقد انه شاب تافهـ و ماعنده حس المسئوليه

ولايستحق الإحترام والثقه

وانا من رايي ان الي تصدر منه هالتصرفات انسان

عنده خلل نفسي.

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟

طبعاً هذا ان دل على شي دل على الفراغ الي يعيش فيه انسان بلاهدف

ولامضمون يعني مايفكر ان الي يسويه في بنات خلق الله يمكن في

يوم من الايام يصير في وحده من اخواتو ..

الله يهديهمــ

3. هل تقبلين بمحادثه شاب القى لكِ الرقم ؟

لااااااااااااااااااااااااااا بدون تفكير طبعن لاااااا

ماراح انزل لهالمستوى الواطي ابدن

ماسويتها ايام المتوسط والثانوي ايام الطيش اسويها وانا كبيره خخ

واتمنى كل بنت ماتـنـجرف ورا هادا الشي تحت مسمى الحب مافيه شي اسمه حب وخرابيط

الي يحب يدق الباب ما يدخل من الطاقة .. >>> يجي مني

لووووووووولززززززززززز ,,,,

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

ههههههههههههههههههههههههه

كلو بكش × بكش

وطبعن ضعاف الايمان راح يتأثرو بدا الكلام ويصدقو ,,,

الحمد لله على نعمة الوعي والعقل ,,

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

لاااااااااا و الف لااااااااااا

بس اذا تـــاب مممممممم ,,,

يمكن اوافق بس برضو يبغالها تفكير لانو اصلن نادرا في دا الزمن تلاقي واحد ما كان طايش

بس في النهاية زي ما قال ربنا (( الطيبون للطيبات والخبيثون للخبيثات ))

والله يعطي كل واحد على قد نـيتو ...

والله يبعد عننا دي الاشكال يارب ,,,,,

مارأيكم بتقليد البنات والشباب للغرب ( التقليد الأعمى السلبي ) ..؟؟

لازم يكون عندنا عقل شوية مو كل شي هب و دب نشوفو نسوي زيو ,,

يعني ناخد من الغرب الشي المفيد ,,

الي يلائم عاداتنا و تقاليدنا ويرضي ربنا قبل كل شي,,,,

°• Carmel •°

تسلمي عالموضوع الحلو ,,,

دمت بود ,,

priceless-david

. . . http://www.9m.com/upload/31-01-2007/0.546011271325.gif . . .

sweet smile

05-02-2007, 11:44 AM

1- ما رأيك بالشاب الذي يستمتع بمضايقه البنات في الأماكن العامه ؟
صراحة مرة ما احترمو و لا ادي اي اهتمام

2-ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟
برضو نفس الشي احس مرة ما عندو سالفة هههه و يبغا يثبت نفسو باي طريقة

3. هل تقبلين بمحادثه شاب القى لكِ الرقم ؟
لا طبعا ما راح انزل مستوايا عشانو

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟
برضو لا لاني ادري انو ما يعرفني و بيبكش عليا و يبا يضحك عليا

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.
لا ما راح اقبل بي

اما ازا تاب يسير ما اظن يكون عندي مانع

و شكرا كاراميل عالموضوع الحلو

EXTRA P!NK

05-02-2007, 12:47 PM

1- ما رأيك بالشاب الذي يستمتع بمضايقه البنات في الأماكن العامه ؟

واللهي دا واحد فااااضي وماعندو مسؤوليات فيلجئ لمضايقت البنات العسولين هههههههه

لابجد واللهي مايخاف من ربو كمان لانو دا شي حرام وعيب كمان بس هوا مابعترف بشي اسمو حرام او عيب

عشان كدا بيشوفها شي عادي وحلو انو يضايق البنات ويدحك اصحاابو

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟

واللهي انا مادخلت مزاجي لاالترقيم بالورق ولا البلوتوث لانها مساااخه وحركه بايخه

3. هل تقبلين بمحادثه شاب القى لكِ الرقم ؟

لاطبعا لاني موش رخيصه لدي الدرجه انو احد يرميلي رقمو اروح مكلمتو على طووووول

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

لاطبعا....بس فيه بعض الشباب بيحسون انهم يميلو لدي البنت فبيقولولها احبك وموش عارفه ايش

بس لو كان يفكر بعقلو حيعرف انو كلام فاااااااضي

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

لامحى اقبل لو كانت سمعتو كدا

بس لو تااب واللهي عادي عندي

ربنا يغفر للعبد لو تاب انا الانسانه محى اسامحو على ماضيه

انا مااحب اعاتب احد على مااضيه لانو كل انسان بيغلط ويخطي((خير الخطاائين التوابين))

مارأيكم بتقليد البنات والشباب للغرب ( التقليد الأعمى السلبي ) ..؟؟

بصراحه اللي يقلد ع العمى كدا موش واثق بنفسو فبيقلد الممثلين والمطربين عشان يلفت النظر

لاكن المفروض يكون له شخصيتو اللي ماتسمحلو انو يقلد مطرب وياخد كل حركاتو وحتى ملابسو

وحتى بطبعو

لاكن لو شي عادي وموش ملفت وموش حرام قبل كل شي خليه يقلد عادي بس مو انو يسير

مستنسخ من الغرب !! لا احنا لنا طبعا اللي بيميزنا عنهم ولازم نعتز بيه ومانقلده بكل شي

وتسلمين °• Carmel •°يااعسلزززز ع الموضوووع الحلوو

سي يااااااااااااا

ToFFee

06-02-2007, 02:54 AM

أصلن الواحد لازم يقول الحقيقه مو كلام اللسان دا اللي يطلع

يعني مشاء الله البنات حاطين ردود الواحد يتعجب منها غريب كلامكم ويمكن يكون صح كلامكم

لكن أغلب البنات في النقاط دي كدابين وإن كان جا ولد وأعطاها الرقم وأحيانا تاخده بيدها

وتدق عليه بعد فتره ولا إزا ما دقت تديه لصحبتها وتقولها دقي حركات طيش ومعروفه فـ مش لازم من الكدب

وممكن صح مضايقات الشباب للبنات كتير وأنا أشوفها مو حلوة أبدا ومسخرة وقله زوق

وهادي أجوبتي

1- ماهي نظرتك الشخصيه بالفتاة التي تقبل محادثتك هاتفياً ؟

لو إنها بنت محترمه وبنت ناس وما تفكر لشيئ واطي أنا أتشرف بمعرفتها وحتى لو كانت صديقه

2- هل تقبل الزواج من فتاة تعرفت عليها عن طرق رقم أعطيته اياها ؟

لا طبعن وألف لا لأنو كل واحد وله سوابق أن كان ولد ولا إن كان بنت

3- فتاة تسير في الشارع متبرجه مارأيك بها .. وهل تحكم على أخلاقها بمجرد أنها متبرجه ؟

يعني بنت تمشي ولابسه تنوره قصيره ولا لو ويست وتيشيرت توب وكيلو مكياج في وجهها وعبايتها اللي مفصله على جسمها
يعني دي إيش تبغا من النهايه أكيد معروف عند الكل وهادا شي عيب ومو من عاداتنا وأكيد كلنا نرفض الشي دا
لكن النفس ضعيفه وتروح وتدور على الشي دا وإن كان إحكم على أخلاقها طبعن أكيد حتكون أخلاقها .....
مستحيل تكون على قرآن وسجاده 24 ساعه وشي معروف وما يحتاج الكلام يطول على الشي دا

4-فتاة ذات سمعه سيئه لكنها تابت توبه صادقه وأصلحت أخطائها هل تقبل بالإرتباط بها ..؟

لا طبعن وألف لاااا

مارأيكم بتقليد البنات والشباب للغرب ( التقليد الأعمى السلبي ) ..؟؟

أكيد إنو ما نبغاه لكن النفس برضو ضعيفه وتمشي ورا الشهوات والملذات لكن الباقي علينا لازم نمسك نفسنا قدر المستطاع
ولو كان في تقليد لازم يكون في الأشياء المعقوله مو كل شي

وسلامتكم وأتمنى كلامي ما يكون جارح للبنات اللي ردو وبس

Priceless-David

06-02-2007, 03:30 AM

أصلن الواحد لازم يقول الحقيقه مو كلام اللسان دا اللي يطلع

يعني مشاء الله البنات حاطين ردود الواحد يتعجب منها غريب كلامكم ويمكن يكون صح كلامكم

ممكن أعرف ايش قصدكـ بدا الكلامـ ؟!!!!!

و ان بعد الظن اثمـ ,,,,,

ولا تتعجب ولا شي من ردودنا

في الدونيا في الصالح وفي الطالح ..

اعرف شي واحد اصابع يدكـ مو سوااااااااا ,,,

No OrDiNaRy GiRl

06-02-2007, 04:12 AM

1- ما رأيك بالشاب الذي يستمتع بمضايقه البنات في الأماكن العامه ؟

قليل ادب مايستحي فااااااضي واهبل

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟

مايستحي مو محترم اهلو ماعرفو يربوو

3. هل تقبلين بمحادثه شاب القى لكِ الرقم ؟

لااا ابدا هوا انا مجنونه اخد منو الرقم وادق كمان

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

لا ما أصدق بس مره اللي صدقت وقتها كنت هبله وبعدها عمري محا اصدق

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

ازا اخلاقو وقتها كانت كويسه ومحترم محا نطالع في الماضي حقو
وازا بابا رضي يزوجني هوا اكيد حيكون ولد كويس

مارأيكم بتقليد البنات والشباب للغرب ( التقليد الأعمى السلبي ) ..؟؟
مالو داعي بس التقليد يكون في الاشياء الكويسه مو اي شي

توفي ايش قصدك بـ
يعني مشاء الله البنات حاطين ردود الواحد يتعجب منها غريب كلامكم ويمكن يكون صح كلامكم

لكن أغلب البنات في النقاط دي كدابين وإن كان جا ولد وأعطاها الرقم وأحيانا تاخده بيدها

وتدق عليه بعد فتره ولا إزا ما دقت تديه لصحبتها وتقولها دقي حركات طيش ومعروفه فـ مش لازم من الكدب

وممكن صح مضايقات الشباب للبنات كتير وأنا أشوفها مو حلوة أبدا ومسخرة وقله زوق

لو سمحت لمن تكتب حاجه طالع في اللي بتكتبو وتقولو
مو كل البنات زي بعض وزي مابرايسلس قالت اصابع يدك مو زي بعض

وكمان واثق من نفسك مش لازم من الكدب

ازا بتقول كل البنات زي بعض يعني
امك <-- لمن كانت بنت واختك بنت خالتك بنت عمتك بنت اخوك بنت اختك برضهم كدا !!

-----------------------------------------------------------------------------------------------------------------------

للاولاد الي يديتو مع بنات الناس الله يهديهم
يعني صراحه في اولاد كل يوم مع بنت ويرضو يخرجو مع بنات الناس ومايرضو لاخواتهم
ويوم مايقولو اخطب دي البنت يقولو دي كانت وكانت وانا ماتزوج بنت كدا
حب لاخيك ماتحب لنفسك
ومين الي شوهه سمعتها انتو الاولاد يمكن يجي احد ويقول هيا بنفسها خربت سمعتها
طب مو انتو لو مارضيتو تخرجو معاها ماكان انخربت سمعتها الغلط مو من البنت لوحدها
اصلن اللي يسوي دي الاشياء ماعندو ضمير يأنبو عليها سواه

اللي على راسو بطحه يحسس عليها

Peace Ya Members [/COLOR]

بنوته كيوت

06-02-2007, 12:26 PM

1- ما رأيك بالشاب الذي يستمتع بمضايقه البنات في الأماكن العامه ؟

واحد فاضي وانسان تافه وماهو عارف ايش يسوي في حياتوو

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟

يعني انا اشوف انو مالوو داعي دي الحركات وحركات من جد هبله واللي يسوي كدا ماعندوو ثقه في نفسوو
ويبغى يلفت الانظار بأي تريقه ..

3. هل تقبلين بمحادثه شاب القى لكِ الرقم ؟

لا تبعااا مااقبل بدا الشي ولا راح اوصل لدا المستوى من التخلف انشاء الله

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

دا الموضوع الكلام فيه محا يخلص بس انا حختصر الكلام وحقول نفس كلام اكسترا

فيه بعض الشباب بيحسون انهم يميلو لدي البنت فبيقولولها احبك

ولكن المشاعر ممكن تكون صادقه لكن لفتره وخلاس بعدها حيكون الشي اللي حس بيه شي عادي

ومدري دا رأي انا

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

اول شي انا محا احاسب احد على ماضيه او على اشياء كانت غلطه وندم عليها

وتاني شي الله بيسامح الكافر لمن يسلم على كل اللي سواه معنو كان كافر بالله

وبيسامح اللي بيغلط وبيغفر فا احنا البشر كيف مانسامح البشر اللي زينااا

والكل بيغلط وبيندم على الغلط وبيتعلم ومابيرجع للغلط تاني

عشان كدا انا حقبل بعد مااتأكد انو تاب من جد ... لأنو ممكن يكون انسان تاني واحسن من الاول

مارأيكم بتقليد البنات والشباب للغرب ( التقليد الأعمى السلبي ) ..؟؟

التقليد كلووو بسب الفراغ والملل واحيانا يكون حب للتغير

وبعضهم يقلدوو لأنهم ماعندهم شخصيه مستقله لهم بيحاولوو يقلدوو عشان يسير

بنفس الشخصيه اللي هما يحبوهاا حتى في الغلط ..

وثااااااانكس كراميلووو على طرحك لدا الموضوع الحلوووو

Mystery

06-02-2007, 01:03 PM

1- ما رأيك بالشاب الذي يستمتع بمضايقه البنات في الأماكن العامه ؟

أنا الصراحه ما قد شفت واحد يضايق البنات بحركات هباله صاحي لوووول ...
دايم يكون عليهم حركات نص كم و ما ادري كيف يعني بأختصار ناس مو عاقله .. و زي ما قالت
برايسلس .. عندو خلل نفسي .. لانها من اولها لأخرها حركات مالها داعي بالمره ..
أيش الي يجبروو يسويها ..

==========================

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟

واللهي من الناحيه دي صعب أحكم بكلمه وحده ..
لانو الاولاد مو كلهم يرقمو عشان سبب واحد .. وكل سبب لو مبرر ..

===========================

3. هل تقبلين بمحادثه شاب القى لكِ الرقم ؟

انا الصراحه لو جاني ولد و اداني رقموو مبدئيا راح استحقروو ..
خاصه مر عليا موقف .. كنت في مول انا وصحباتي .. جا واحد كان ماشي مع "أخواتو" لمحنا .. قال لأخواتو صبر صبر
و لف و جا و رمى الرقم !!! يعني أيش دا بالزبط ؟؟؟؟
اذا أخواتو ما أحترمهم أجل كيف غيرهم .. من بعدها الصراحه كل الي يسوا الحركه دي انا مره استحقرهم ..

===========================

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

طبعا لأ ..
باللهي يعني واحد ما تعرفيه ولا يعرفك يجلس بيقولك انا كذاب و لعاب و أحشش و لا كدا ولا كدا ..
طبعا ما راح يقولك الا كل طيب الا ويزيد من عندو و يخلي صورتو في عيوونك زي البرنس وهوا من جمبها ..

============================

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

مليوووون الف مره لأ .. ولو تاب
لأنو الي سواها مره يقدر يعيدها مره تانيه .. و انا مو مسؤوله أتحمل أغلاط غيري ..
فمستحيل أقبل بيه ..

===========================

مارأيكم بتقليد البنات والشباب للغرب ( التقليد الأعمى السلبي ) ..؟؟

التقليد بشكل عقلاني ممكن ..
بس في شباب و بنات يقلدو بشكل معقووول .. و مقبووول
بس في منهم الي تحسيه زي الملطوووش ما يعرف راسو من ساسو
اي شئ شافو جلس يقلدوو قلك قلك انا كوووول ..

===========================

وتسلمي كراميلوووووو على الموضووووع الجونان دا ..

لا تحرمينا من جديدك ..

EXTRA P!NK

06-02-2007, 06:49 PM

." ameert al ward ".

07-02-2007, 04:00 AM

شكرن عالموضوع الرائع كراميل
وهدي الاجوبه من وجهة نظري الشخصيه

- ما رأيك بالشاب الذي يستمتع بمضايقه البنات في الأماكن العامه ؟

هدا واحد تافه واهبل وفاضي وحاب يضيع وقت
لكن الصراحه مو
منه من الي يعطيه وجه لانه لو مالقا احد عطاه وجه ماكان سوى كده

- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟

ما اعرف هما ايش يستفدوا من ده كله بس يجلس يلعب على بنات الناس
ولما تجي تسالي الواحد فيهم يقول قصدي شريف وبس ابغا اتعرف في البدايه وبعدين الزواج وهو كــــــــداب
وبرضو مو منه من الي ياخذ الرقم ويتصل
لانه لو مالقى احد عطاه وجه كان جلس في بيته وانشغل بشئ تاني

. هل تقبلين بمحادثه شاب القى لكِ الرقم ؟

طبعن لا لا لا لا لا لا
لانه الصراحه ما ارضاها لنفسي
عموما اي شاب سواء رمى الرقم او اتصل بالخطا او احد اضافني عنده في المسنجر او اي وسيله تانيه[

هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

ههههههههههههههههه
من ده الي دمه خفيف
طبعن مافي لا حب ولا هبل
هده الطريقه يستخدمها اي شاب عشان يتمكن من البنت وياخذ الي يبغاها وبعدين يقولها مع السلامه
وما اعتقد بصراحه انه الاشكال هده تحب

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

الصراحه السؤال ده يبغاله تفكير مره كتير
بس ما اعتقد انه ممكن اني اوافق لانه ممكن يرجع زي ما كان في اي لحظه
او يجلس طول الوقت يفكر في علاقاته السابقه ويحن لايام الهبل والطيش
وبعدين انا انسانه اشك عالطول فمستحيل ادمر نفسي بيدي لانه اي حركه او كلمه حا اشك عالطول

وفي النهايه :-هدا مو ذنب الشباب لوحدهم لانه في بنات اعوذ بالله بهده الطريقه
وهو موكل الشباب او البنات بهده الصوره السئيه زي مو في الفاسد في الطيب
لانه اي واحد لو مالقى مجال للي بسويه ماكان اتمادي في كده

خلينا نتكلم بصراحه صح انا بنت واكيد في بنات حيزعلوا مني لكن هده هي الصراحه واهم شئ (( انه مو كل البنات زي بعض ))والله الغلط من البنات يعني لما يلاقي شاب بنت حاطه ماكيب فل ((4 كيلو مكياج)) في وجهها والشعر مسويه فيه اخر تسريحه والاظافر الطويله ولا العبايه المخصره على جسمها كانها ماهي لابسه عبايه والطرحه على الكتف والعبايه المفتوحه واللبان في فمها شويه وشويه المعسل والكعب العالي هدا كله واكتر من كده
يشوفوا الشباب غصبن عنه يعاكس ويرمي رقم لانه شايف وحد بايعه نفسها قدامه واعطته وجه
لكن لو شاف وحده محترمه حتى ولو كانت كاشفه وجهها لكنها محترمه صدقيني ماراح يقرب منها ولا يحاول لانها انسانه محترمه وحافظت على كرامتها وشرفها.

أصلن الواحد لازم يقول الحقيقه مو كلام اللسان دا اللي يطلع

يعني مشاء الله البنات حاطين ردود الواحد يتعجب منها غريب كلامكم ويمكن يكون صح كلامكم

لكن أغلب البنات في النقاط دي كدابين وإن كان جا ولد وأعطاها الرقم وأحيانا تاخده بيدها

وتدق عليه بعد فتره ولا إزا ما دقت تديه لصحبتها وتقولها دقي حركات طيش ومعروفه فـ مش لازم من الكدب

الصراحه انا قلت الحقيقه وزي ماقالت برايسلس اصابع يدك مو زي بعض
يعني في كده وفي كده
في وحده حقيره بايعه نفسها وفي وحده تخاف على شرفها وكرامتها وتفكر في عقاب ربنا قبل ماتسوي اي شئ.

مارأيكم بتقليد البنات والشباب للغرب ( التقليد الأعمى السلبي ) ..؟؟
طبعن كل واحد عنده عقل ويفكر وعنده دينه يحكمه يعني مستحيل اسوي شئ وما يكون لايق عليا
او البس حاجه مهما كانت حلوه ولكنها تكون مخالفه لديني يعني ماترضي ربنا.

((((((( كل ممنوع مرغوب ))))))))
لكن لازم نفكر بعقل وحكمه.

ان شاء الله ما اكون كترت كلام.

وهده وجهة نظري

بنوته كيوت

07-02-2007, 05:07 AM

jana

18-01-2008, 03:08 AM

1- ما رأيك بالشاب الذي يستمتع بمضايقه البنات في الأماكن العامه ؟
مره ماحب دا النوع من الشباب

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟
مو كويس كلو فساد وخصوصا يكلمها جوال قبل مايعرفها3.
هل تقبلين بمحادثه شاب القى لكِ الرقم ؟

لا ما اقبل طبعا لالالالالالالالالالالالالالالالالا اذا يرميلي الرقم واخدو اش هوا شغاله عندوو وربي يحلمع2>>هدي اعصابك:a080:

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟
كيف وانا ماعرفو؟؟؟؟ اكيد بكاااش

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

ايوا يمكن اغير رأيي لو كان عاجبني >>>بس ياشيخه

خخخخخخخخخخخخخ

بس محا اقبل حكون شاكه فيه وانا اخس شي بالنسبالي الشكك يوووووووه انقهررررر

aroooony

18-01-2008, 04:14 AM

Heey ..

mra thx ya 3sl mra cute al2as2elaa

mra 3ajbtni bs ma feya arod

wi ishbkom kolakom keda fj2aa hajmtoo 3la ToFFee looool 7ram wallah

ya3ni howa bs kan be yedekom rayoo wla la2 ??

sorry eno ad5lt benkom ya3ni

o mra thhhhx

Dark souL

18-01-2008, 11:26 AM

ماهي نظرتك الشخصيه بالفتاة التي تقبل محادثتك هاتفياً ؟

هل تقبل الزواج من فتاة تعرفت عليها عن طرق رقم أعطيته اياها ؟

فتاة تسير في الشارع متبرجه مارأيك بها .. وهل تحكم على أخلاقها بمجرد أنها متبرجه ؟

[فتاة ذات سمعه سيئه لكنها تابت توبه صادقه وأصلحت أخطائها

هل تقبل بالإرتباط بها ..؟

مارأيكم بتقليد البنات والشباب للغرب ( التقليد الأعمى السلبي )

Dark souL

18-01-2008, 11:43 AM

1- ماهي نظرتك الشخصيه بالفتاة التي تقبل محادثتك هاتفياً ؟

مره عاااااااااااادي

واول شي أصابع يدكم مو زي بعض

وثانيا على حسب البنت

أنا اعرف بنتين وحده عسل ساده

ولتانيه عسل بشمع

كلهم بنات نااس وحترمين ...

حتقلي ليش يكلمووك في أشياء كتيره يكلموني عليها ما ابغى احدد بالزبط

بس بقلك محد في الدنيا دي ما عندو أخطااء في حياتوو

2- هل تقبل الزواج من فتاة تعرفت عليها عن طرق رقم أعطيته اياها ؟

مادري ما قد جربت إني اعطي بنت في مكان عام رقم في يدها

بس جربت طريقه تاينه وتعتبر غلط من البنت إنها قبلت

بس طلعت بنت نااس ومحترمه وفاهما كل شي في الدنيا دي

وكل حاجه فيها حلووه وصلاة على النبي ربنا يسعدها

<<== شكلوو راح يتزوجها

وانا مستعد ارووح اتزوجه

3- فتاة تسير في الشارع متبرجه مارأيك بها .. وهل تحكم على أخلاقها بمجرد أنها متبرجه ؟

لاااااااااا مرررررررره لاااااااااااا

اعرف بنات زي كده بس والله يعرفوو ربنا ويعرفو الغلط من الصح

وتجلسي معاهم تحبي جلستهم وتنبسطي

بس هما اتربوو على كده إنهم يلبسوو كده

4-فتاة ذات سمعه سيئه لكنها تابت توبه صادقه وأصلحت أخطائها

هل تقبل بالإرتباط بها ..؟

لا ما اعتقد لانو ماضيها رااح يكون لاصق بيها ومستحيل يسيبهاا

( سؤال عام )

مارأيكم بتقليد البنات والشباب للغرب ( التقليد الأعمى السلبي ) ..؟؟[/COLOR][/SIZE][/B][/CENTER][/QUOTE]

والله ماعندهم شخصيه ولا حاجه بالذات البنات

الي تجيك حاطه تاتو وفرحانه فيلو

ولي تجيك كاشفه وحاطه كيلوو مكياااج في وشهاا

على فكره الغرب ما يسوو كده

الغرب يسوها شي معقول

اما بناتا يسوهاا بغباااء وبلهاا

سوري لو أزعجت احد بكلامي

وا وا

شكرا يا عسلز على الاسئله

!cute m!m

19-01-2008, 05:48 PM

اول شي مرسي على الموضووووع

1- ما رأيك بالشاب الذي يستمتع بمضايقه البنات في الأماكن العامه ؟

الصراحه مرررررررره مايعجبني وهادا ان دل يدل على انو فاضي ماوراه لا شغله ولا مشغله

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟

نفس الشي فاضي ماعندو شي يرووح في المولات ويفتح البلوتوووث ويدور اسماء بنات ويرقم مررره اسلووب مو راقي

3. هل تقبلين بمحادثه شاب القى لكِ الرقم ؟

لا ماراح اقبل لانو في دا الزمن الواحد مابيوثق في صحباتو كيف في الولد الي ماعرفوو

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟
مرررررره ماصدق

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.
اذ تاب طبعا اقبل لانو على قولت المثل الي فات ماتت وبعدين اذا تاب توبه صادقه اذا ربنا غقور رحيم ليش احنا البشر مانغفر

ضحكة بريئه

19-01-2008, 11:43 PM

ما رأيك بالشاب الذي يستمتع بمضايقه البنات في الأماكن العامه ؟
إنســــــان فاضي وتـافه

وشايـف الحيـــاه لعبه

خليه يلعب على جنب :a084::a084::a084::a084::a084::a084:
ومايحط في باله عندي اخت بنت أخته خاله الي يكون .....الخ

يعني بالأساس ماعنده غيره

ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟
مادري
على نفسه
لووووووووول

أصلا انا ما اشغل
البلوتوث في اي مكان الا بين صحباتي اذا ابغا منهم شئ

لكن ليش اقبل من ناس غرباء اشياء امكن يكون فيها حاجه مو كويسه

والبنت الي تفتح المسج الي بتجيها بالوتوث هيا عارفه اش راح تقابل موصح
خلينا نكون واضحين

ياترقيم يامناظر مخله بالاداب يافضايح الموهم مصيبه يالطيف ي1
هل تقبلين بمحادثه شاب القى لكِ الرقم ؟

لا

وألف لا

والله ارمي الرقم بالأرض وأدعسه وامشي ولا اعطيه المجال يتكلم اصلا

<أنا :aa_king:

هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟
لا

سوق العبط مايمشيه عليا انا
هههههههههههههه

لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟مادري

سمـعه

خليني اكون صريحه لو كنت ولد راح اقول لا وابغا وحده عفيفه ودا الكلام

اذا في احد رايه كدا

أنا كمان ابغا واحد عفيف ..الخ

ههههههههههههههههههههه

بس مدام انه سمعه وحلته حاله يروح يستر على وحده من البنات الي فضحهم وضيعهم في ستين نيله ابال ماريروح يتزوج وحده ويجيب لها السمعه

مارأيكم بتقليد البنات والشباب للغرب ( التقليد الأعمى السلبي ) ..؟؟

هذا يدل على عدم التـفكير وعدم وجود توعيه احنا لازم نفكر قبل مانعمل اي حاجه

مره يعني

قبل مده طلعوه بنطلون لو وست

وخلاص كل

الناس الي هنا

مدري ايش بررررررررره م1م1م1م1م1

اش هادا

واحد نص .......م1 بره يااخي استر حالك

اش المقصد منها واعتقد سئ

ودا رأي أنا

الخـاص

فاذا اي شخص بالمونتدى يلبس على راحته

غير مسموح بالكلام في هذه النقطه ع2ع2ع2ع2

مرررررره استغفر الله الحمدالله على نعمة العـقل

الواحد يأخذ الإيجابي

مو السلبي

أحنا لازم نفكر قبل مانعمل اي شئ
والغلط المعظم مابيفكر

بس يعني موضه
:a080::a080::a080::a080::a080::a080:

وما موضه

يعني اذا مالبست احدث موضه حتى لو كانت زي وجههم وتبين غير ....م1 اشياء ثانيه

مســــتعد تروح وتلبس حتى لو بلوزه او اي شئ مكتوب عليها كلمه نابيه راح تلبسها عشـان الموضه <<دا الكلام للقيرالز والبويز :a068:

سلامة الطيبين

انا عن نفسي احب الي يناسب اسلوبي وشخصيتي ويكون انيق ومرتب ومحترم اللبس:a068::a068:

وانا مو اني ماباخذ من الموضه الا أخذ

لكن الأشياء الي تعجبني وتناسب شخصيتي كفتاة مسلمه

مو ...........الخ

وبس مشكور على طرح الموضوع

سي يو

ضحـوكه

ولكي مني نووووووقطاااااااااااااااااااااااط

Baby DoOo

20-01-2008, 01:43 AM

( أسئلة البنات )

1- ما رأيك بالشاب الذي يستمتع بمضايقه البنات في الأماكن العامه ؟
ممم
واحد يضيع وقتو

2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟
رايي انهم فاضيين واتمنى انهم يلاقو شي يشغلوا في وقتهم :)

3. هل تقبلين بمحادثه شاب القى لكِ الرقم ؟
لازم البنت تكونـ تقيله ومو كل بنت تاخد الرقم يعني حتكلمـ
احب اقول
انو ظروف البنت وتمسكها بأهلها ودينها هو اللي يحدد المستوى

4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

لا

5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.

لا
اذا تاب يمكن الراي يتغير

يسلموو عـ الموضوع
;)

mis sweet

20-01-2008, 02:02 AM

هااااي امم شدني الموضوع راح أقولكم رأي
( أسئلة البنات )

1- ما رأيك بالشاب الذي يستمتع بمضايقه البنات في الأماكن العامه ؟
مأأعرف أحس انوا مأدري كيف أوصفوا يعني ماأنظر لة نظرة أحترام يعني أحس انوا حلاوة الشخص لمن يكون محترم نفسوا وعامل لنفسوا قيمة مو كد >< مبهدل في نفسوا أصلا انتي شوفي كيف يكون شكلوا أستغفر الله ^^_2- ما رأيك بالشاب الذي يستخدم الترقيم كطريقه للتعارف ( تطوروا الحين صار بالبلوتوث ) ؟
ماأعرف كمان انتي لو لاحظتي ان أكتر الي يستخدموا هادي الطريقة أطفال يعني بالله في واحد عاقل يستخدم البلوتوث للترقيم يعني حتى لو تكرونية فاتحة البلوتوث عادي عندوا أي نفس هادي صح ولة لا ^^_
3. هل تقبلين بمحادثه شاب القى لكِ الرقم ؟
امممم أكيد لا مو لشي لاني انا لمن أقرر أكلم شخص ماأفكر أكلم واحد بهادي الطريقة الي مو حلوة ^^_>>>>يختي علية
4- هل تصدقين الشاب الذي قد يقول بأنه أحبك وأنتِ لاتعرفينه ( هذا السؤال عام سواء في علاقات النت أو الهاتف ) ؟

بصراحة انا مرعلية حالة كدا وحدة من صحاتي صرلها هادا الموقف بس على قولت المثل
الله ماشوفنا بالعقل عرفناه بالله كيف تيجي بس يعني شخص ماأعرف شكلوا أحبوا >>>ترى الشكل موهيم مااارة صح مو كتير بس موهيم
5- لو تقدم لخطبتك شاب كان سابقاً ذا سمعه سيئه ومشهوربعلاقاته بالبنات هل تقلبين به ... وماذا لو تاب هل تغيرين رأيك ؟.
شوفي لو جاني شخص وعرفت انوا كان يكلم بنات وعرفت انوا تاب راح أوفق علية عارفة ليش ....^^_
لانوا بكدا اكيد راح يقدرني أكتر ويعرف اني غير عن البنات وكمان راح تكون عيونوا مليانة خلاص مو لسع عيونوا هنا وهناك ^_* كمان معليش ماأظن انوا صار في ولد ماكن يعر ف بنت وأتحدى كمان ^^_ حتى الولد الي لسع عمروا 10 سنوات تلاقية قدوا ماشالله صار روميوا من صغروا وأكيد شوفتوا الصواري لاند ماراك والي فيها أطفال ويعاكسوا الحمد لله بس ^^_
يسلموا قلبوا على الموضوع الختير مااااااااااااااااارة

Baby DoOo

20-01-2008, 03:19 AM

اجابات مقنعه برضو