(*_^)تعال واكتب ايش سويت اليوم(*_^)

[BlaZe]

-+-

سلملم ..

فكرهـ خطرت في بالــيــ ..

اللي هيا مفكرهـ للـ Teenagers :D ..

يعني بالعربي تكتبوا مذكراتكم هنــا >> ايش حصل لكم اليوم نفسك في ايش .. الخ ..

يعني كأنكـ قاعد تكتب في الـ Diary حقكـ .. :rolleyes:

يلا نبا نشوف تفااعلـــ ..

-+-

:) :16: :)

[Mo!YaD DeWaN]

ثانكس على الموضوع الكووول دا...

انشالله ازا شفت تفاعل مع الموضوع حا سبتو...

وكمان تستاهل نوقاط دحين بس حاول انك تنشط الموضوع ...


أنا دوبي صاحي ما لحقت اسوي ولا شي عشين اكتبو من السرير على المنتدى...

ونفسي اليوم اسوي كل الفلا الي في الدنيا...

[S L I K E]

اليوم صحيت الساعه 9 ونص من يوم الخميس

وقاعد ازاكر الانجليزي للساعه 11 وما خلصتوا

عشان الاختبار يوم السبت :(

[حموديـ مكه]

انا الــيوم صاحي من 10 ونــص أفــطرتـ وشغلتـ النـت على طـول ..

[Simple boy]

الموضوع حلو وانا أبدأ

الاربعاء الموافق 22/4/1248 هــ

ذهبنا بعد العصر في رحلة مع التحفيظ

إلى استراحة في العمرة

ما لها اسم عشان هي ما اكتملت

والاستراحة كانت ما شاء الله 5 نجوم

ولعبنا كورة شوي

حتى اذن المغرب فقمنا صلينا

<<راح يحكي لكم بالتفصيل

وبعدين بدأ يلقي علينا حديثا عن النبي صلى الله عليه وسلم

وبعد ما انتهى بدأنا المسابقات

وانقسمنا إلى فريقين

وبدأت الاسئلة بين فريقي


التقوى و صهيب<< اسم غريب

انتهز فريق التقوى الي هو فريقي
7 _ 5 أو 8_ 5

وبعد العشاء بدأنا التدريب ولعبنا مباراة كان فريقنا ضد الفريق الاساسي

حيث وبحمد الله دمرناهم تدميرا

وبعد انا لعبنا وتعبنا

أتى فريق الخصم بعد ان انتهينا وتعبنا جداااااااا

فاسترحنا 15 دقيقة

ثم بدأنا المباراة بين فريقي

التحفيظ و الحواري

وأنا مع التحفيظ وواحد من لاعبينا من التحفيظ جاب فريق الخصم

وقال لهم كل شيء عننا

وهو لعب معاهم

بدأت المبراة وانتهى الشوط الاول بــ

5_ 2 لفريق الحواري <<فريقنا فاشل

وبعدين الشوط الثاني لعبنا وانا ما عندي لياقة عالية

قبل نهايو الشوط بـ 15 دقيقة خلاص سقطت على الارض من التعب

وانتهى الشوط الثاني بــ

7_ 5 للحواري

والحمد لله << نتيجة مشرفة

وعدنا إلى البيت في الساعة ال،، 12 ليلا

ونمت

والسلام عليكم ورحمة الله وبركاته

وتستاهل نقاط على الموضوع

[Mo!YaD DeWaN]

وبعدين الساعة وحدة رحت مسكت الرياضيات عشين عندي اختبار يوم السبت...

وخلصت منو الساعة 3.30....

ورجعت وشبكت النت تاني مره...

[BlaZe]

يسلمووو عالتثبيت ..

اليوم صحيت الساعهـ 2 !! * *

استحميت و فطرت ..

وشبكت النت ..

بررب

[Mo!YaD DeWaN]

وبعد كدا رحت اتغديت في بيتزا هت....

ورجعت شبكت نت برضو...هع هع

[AL-3GrAb]

وانا اليوم الخميس صحيت 12

وقعدت على السرير افكر افكر افكر

بعدين قمت من السرير 2


صليت الفجر والظهر

وشبكت النت

وقااعد العب العب

والسبت عندي اخبتار رياضيات في بابين


^^

[BlaZe]

نفسي افتح الفوتوشوب اسوي ليا توقيع جديد بس مكسل * * >> كسل موو طبيعي ..!!

[ωσω MiSs ωσω]

wo0o0o0o0o0o0o0o0ow

ختيييييييييره الفونكيرا >>> يجي نسرقها لي قسمنا >>> مهزبه بتستازن :26:

لا واللهي جد مرا حيلووووووووه >> بس ازا جات قسمنا حتكون احلى :p

[BlaZe]

^

اوكي سوي لكم واحد ..

يصير واحد للبويز & واحد للقيرلز ..

[BlaZe]

،،

اليوم خرجت المغرب رحت شلت صاحبي وقعدنا نفرفر ..

ورحنا شلنا كمان تلاته قلنا عشان نروح عالم البولينغ ..

لكن الخرجه خربت لأنو واحد جالو ضيوف وواحد تاني بيروح الكباين مع اهلو وواحد تالت اهلو يبغوه في مشاوير وبقي انا وواحد تاني قاعدين طفشانين (*_*) ..

ما ادري وين نروح ..

يمكن ناخد لفه عالبحر ..

مع انو مالي نفس اخرج ..

الله يعين ..

برررب

[CRAZY P!NK]

ويييييييه ناااس رااقدين وناااس من الصبح عندها دواام :(


مشقلني والله


اليوووووم شواارع الدوووووووحه زحمه 3 دوااوير كلها مسكره من الزحمه !!!

وبس ابوي اختصر وصلنا اختي وعقب رجعت لدواامي ورقدت اوول حصه علينا سوداني وثاني حصه امتحان الخاايس نقصني درجات بس عشاني ماسكرت الشاااشه ولا رجعت الكرسي حححححححح زريل هالانساان مالوومه صج سوداني لوول

اصلا بعد حااط تطبيق بالوورقه انه لازم نرجع الكرسي ونسكر الجهاز بكبره بس عاد انا من كثر ماني دايخه وابي اطلع نقزت على طوول وطلعت ونسيت ام اللي جابته لوووووول

وفي البريك تعرفة على بنت وجي طق سوالف وحشينا بالاستااذ وتكلمنا عن الشبااب اللي جوو كلاسنا وملقووو ووووو استاذنا العنجليزي شيبه حليله < حبيته ههههههههههههههههههااي < صج اللي مصطله على الاخر لوول

واخر الدوام ابووي جاني ابسيارة اخوي مع الدريوول والسيااره تطبخ المكيفات مافيها غاز قطع والله صج اني انطبخت من الخااطر ولا بعد رحت اجيب اختي من شغلهاا لووول زين انهاا بين الفرجان ولا كان رااح انطبخ عدل اذ كانت على الكورنيش


ورديت البيت وطبيت على الفوواكه من اليووووع وعقب اكلت عيش وسمج ويا مايوونيز بالثووم لذيذ ححححححح

< ترااضي امهااا عشاانها محتشره عليهاا اووني مااكل ولا شي < بس غدا وارووح الدوام علىىى جي بدوون اكل لوول

واي وبيتنا عفيسه فيه عمال يشتغلوون على الدرج وبعد يشتغلوون على الكهرب لانه اليووم الفجريه كاان بيتنااا رااح يحترق بس الله ستر لوووول

والكهرب كل ساعه تنطفي ووووووالمكيف يحرررررررررررر يبط الجبد مادري اشفيه مستلعن كل 5 دقاايق يسكر وعقب يفتح ولا يبرد واصلا ماكان فيني نووم فقمت فتحت الفتوووو ووووووبطلت صووره نفس صوووره الشخصيه حق بنك ابل وسوويت لهاا توووقيع لوول < من الملل < لا اصلا كان بخااطري اسوويلها لوول

وبسسسسسس وعقب رقدت العصريه والمكيف على حطته يجيب المرض ولا رقدت مثل النااس وقمت 10 ونص < الحين < ولا كان ماراح اقوم بس بنت عمي قومتني صكيتها بنظره خافت وراحت خخخخخخخخخخخخ ووقمت عقب نزلت تحت كانوو يتعشوون الخووونه وبس كان ولد عمي من ظمنهم عااد انا ملابسه شيلتي فامارزيت فييييسي عندهم رجعت ادراجي والحين قاعده على المنتدي واكلم بنت عمي الثاانيه تحت واكلمها ابي اسمع سوالفهم لووول بس شسووي متعيجزه البس شيلتي وانزل لووول


<<<<<< شرايكم لووول مافي اطوول منهاا


< داخله عرض بقسم البويز

[BlaZe]

^

ماني فايق اقرا :)

ثانكس يا عثوله عالتفاعل .. ^ ^

[Mo!YaD DeWaN]

اووووووووف اليوم صحيت الساعة 10 ورحت فطرت ...

وبعدين رحت شغلت الدي اس ال...

وشغلت اللاب توب..

وقاعد اطقطق على الماسنجر...

وهاتك يا طفش...

[Mo!YaD DeWaN]

امممممم

اليوم صحتفي الصبح زي كل يوم سبت...

رحت المدرسة ...

رجعت في الظهر...

اتغديت ...

شبكت نت...

[BlaZe]

،،

اليوم رحت المدرسهـ وانا ما نمت كويس (* *) ..

الجو كان مررره حر لدرجة اني ما نزلت الفسحهـ ..

ونمت في الفسحهـ وكان فيه اختبار انجليش حليتو وبعدين نمت برضو :)

يعني باختصار يوم منيل بنيله .. !!

،،

[Mo!YaD DeWaN]

هع هع هع..

أهم حاجة تكون جاوبت...

[BlaZe]

^

والله ماني فاكر ايش كتبت .. !!

اخاف اكون كتبت اجابات نحو ولا تاريخ :) ..

[BlaZe]

يوم الاحد التاريخ ماني فاكرو :)

رجعت من المدرسه استحميت وتغديت ونوووم اليين الساعه 7 ..
صحيت طلعت برا قعدت لين العشا ..
رجعت ذاكرت وحطيت الجدول ..
وشبكت النت ..
يعني يوم عادي ..

بررب

-+-

نبغى تفااعل يا هوووه ..

[H.i.$.h.A.M -JG-]

اممممممممم

ايش سويت اليوم

زي اي يووم بس الشي المميز انو جا بيتنا شركة عشان تعمل المكيفااات وجلست اطااالع فيهم زي الاهبل

وبكراا عنندي اختبار انجليزي وما داكرت ولا حداااكر عشانو اختباار مال امو داعي

وايش كمان وبس ><

[BlaZe]

^
اشكرك هشومي حبيبي عالتفاعل ..

..

اليوم كان فللله .. :)
تلاته مدرسين غايبين ..
ولعبنا تلاته حصص كوره ورا بعض ..
والباقيه جننننط !!
ورجعت استحميت ودحين نووووم الين المغرب ..


برررب
^#^

[Mo!YaD DeWaN]

هع هع هع ...

اليوم حتى انا كان عندي فلااااااا...


غايب ودرت ام اللا دشرة في الصبح....


برب

[S L I K E]

جيت من المدرسه بدري تقريبا الساعه 1 اكلت اندومي ونمت :p

صحيت الساعه 4 صليت الظهر بعدين اتغديت اكل صيني بعدها قاعد ازاكر نحو وحليت واجب الرياضيات والفقه للساعه 6 ونص

ودوبني دخلت النت

وحخرج بدري من النت عشان عليا اختبار نحو تاني يوم :p

[BlaZe]

اليوم صحيت المغرب قعدت متنح ربع ساعه ..
دخلت الحمام برضو قعدت متنح ربع ساعه ..
واستحميت عالسريع وفقت ومسكت الشنطه وحطيت الجدول عالسريع ..

وقعدت استنى برنامج Prison Break ..
وبعدين اهلي قالوا روح جيب عشا (* *) ..

جبتو ودحين قاعد عالمونتدى ..

بررب

[Mo!YaD DeWaN]

رحت المدرسة كالعادة...

ورجعت في الظهر ...

اتغديت...

اخدت شور...

شبكت نت...

دخلت المنتدى...

[BlaZe]

الربووووووووووووووووع

اليوم جيت من المدرسه اخدت شور ..
وعلى طوول لبست وطلعت رحنا تغدينا وبعدين اخدنا لفه عالبحر ودقينا على بنات نستهبل عليهم :)
ورجعت دوبي ..

باخد لفه عالمنتديات وبعدين اروح انام عشان اطلع في الليل :d

برررب

[نقآء]

اليوم اخص شي سار كونت حموت مع مجيدو في السياره

وفي واحد دق عليه قلد صوت بنت << دقه هههههههههههه


وجالس في بيت مجيدو ما يبغى يجبلي اكل

<< بطنو ملصقه في ضهرو


برب

[sami 3asal]

صحيت وتنحت

اتروشت ونزلت تحت لقيت الفطور على الطاولة

فطرت لوحدي وماني سامع ولا حس

قلت خليني اخرج بس ما لقيت مفاتيح السيارة نسيت فين حطيتها

رحت المسجد مع السواق عشان الجمعة

رجعت ادخل غرف اخواني واختي ومافي ولا احد

اتضح انهم كلهم راحو بيت خالتي وسابوني

اتصلت فيهم و قعدت اصرخ والمشكلة انو هما اللي اتعزبوا وهما يصحوني وانا اللي زفت ما صحيت

طيب مافي مشكلة الين هنا _ نزلت تاني تحت لقيت الغدا جاهز

اتغديت لحالي

رحت الحوش الخلفي سبحت لحالي

طفشت قاعد اعزف على الجيتار لحالي

وجع من جد حسيت بالوحدة

صليت العصر وذاكرت او بالاصح بس قعدت اتفرج على الكتب ورميتها تاني

نمت

صحيت صليت المغرب وتنحت الين العشا_ ويا عيني عليهم دوبو رجعو من بيت خالتي

جلست اتكلم مع دانيا

طفشت مني شكلها وراحت على غرفتها

واهوه قاعد في المنتدى واليوم كلو زفت وتناحة وطفش ووحدة

واصحابي الخونة _ كلهم مسويين دوافير ويزاكروا _ والجروب كلو معاقب ومحروم من الخروج مدري ايش المصيبة اللي فيهم

قلت خليني انا ازاكر زيهم بس برضه مالي نفس فقعدت على المنتدى

الله لا يجيب اليوم دا ليكم

من جد زففففففففففففت

[sami 3asal]

خخخخخخخخخخخ قمت تنحت

جلست ع المكتب وتنحت

اتروشت وانا متنح

خرجت صليت واستغفور الله احس كاني تنحت في الصلاة كمان استغفر الله

عدت الصلاة تاني ونزلت تحت فطرت وانا متنح

رحت المدرسة وباسوق وانا متنح وكنت حخش في طريق المرجان بدل طريق المدرسة

في المدرسة انا متنح و باستلقى المراجعات وانا متنح

رجعت نمت

صحيت نزلت اتغديت وانا متنح

واهوه انا قاعد على المنتدى من بعد الغدا الى الان وانا متنح

وانشالله اكمل يومي تناااااااااااحة في تناااااااااااااااحة

[BlaZe]

ههههههههههههههههههههههههههههههههههههههههههه ..

الله يزيدك تناحه :)

ثانكس يا عسل عالمرور ... ^^

[Mo!YaD DeWaN]

مزاكرة في مزاكرة

الين ما تطفش وبرضو ترجع تزاكر


دواااااااااافير

[*BLACKY*]

والله اليووووم يوووم العطالة والنووووم


اول شئ رحت اشمت على المساكين الطلاب ضحية الوزارة


ورجعت البيت نمت


والبريتش كونسل قب

طنش تعش تنتعش

ههههههههههههههههههه

احلى شعار في الحياة


وقووة نوووم

[best 3lawy]

جاني القروشه اخويا جا من الاختبار وسحاني الساعه 11 يقول قوم افطر جبتلك فطور <<<<<مدري ايش عندو سار يحبني

طنشتو ورجعت نمت سحيت قبل العسر اتروشت وفطرت وعالنت

[LoVeLy BoY]

يااااااا سلاااااااااااااااام قاعد متنح 4 ساعات مني عارف ايش اسوي هههههههههههههههههههههههههههههههه

[. δσπά çσσι .]

ممممممم

اليوم انا مواااصل ^^

رحت الجامعة عشان اختبر اختبار التحصيلي

فحطت بالورقة شويتين

,,,

رحت على السوق > سوق الضيافة عندنا بمكة

قعدنا شويتين وطفشنا

قابلنا واحد هناك صربي وقزم جدن قزم وجدن خدمي , كان شكلو مررررررررة لا

>> شوف طولك اول لووولز

المووهم كنا قاعدين نحشو ونطقطق عليه > استغفرالله -_-

,,,,

دحين رجعت البيت

العيال كلهم نااايمييين

شوية كدا واصك النت والعب مع ولد اخويا الصغير سوني اهزؤوا شويتين ^^

انا اختار السعودية وهو انتر ميلان واحلى لعب وربي

تحس حماااااااس , انك تقاوم كدا وتلعب بكل قوتك لوولز

بس عالساعة 3.30 مباراة السعودية

كنت اتمنى لو تكون بالليل عشان اكمل الهبل اللي عملته بكاس الخليج وايام نهائي ابطال اوروبا

نفسي اصبغ وجهي والون جسمي , واحلى رجة بالسعودية كلها وتشجيع لووولز

,,,,

بعدين بعد الماتش يحلها الف حلال

> دا هو مشروعي للعصرية +_+"

[dal3_najd]

اليوم الصباح كنت بكلم روان وكيوت بالمسن الين الساعه 8 الصباح
وبعدين كنا بابا يبغا يودينا نركب جتات انا واخواتي طبعا ماما لمن عرفت عصبت ومارضيت
بس وقمنا لبسنا وخلصنا بنستنه ماما تخلص بس وجات مكالمه لبابا واظطرينا انوو ناخد ملابسنا
ونرجع المدينه بس بعد مافطرنا وبس ووصلنا المدينه الساعه 5 العصر وحنجلس اسبوع
هنا في المدينه وحنسافر جده انا واخواتي وبعدين ماما وبابا حيجوا بعدنا باسبوع
بس ومررررره قهر

[m&ms]

صحيت الساعة 8 الليل جلست عالنت لييين 10 بعدين ابويا جا وقلنا يلاا نخرج خرجنا اخدنالنا عشا ورحنا البحر كان الجوو فظييييع>>>> يلعن ام البكش هههههه

ورجعنا الساعة 2 ونص والشوارع زحمممممممة والخط واقف مدري متى جــدة تكون هدووء



داخلة عرض هنا بس معليش عجبني الموززووووع

[. δσπά çσσι .]

شايف هنا القيرلز عجبهم الحال ^^

يلا سررررروو لقسمكم لوووولز

اعطونا شوية حرية وخصوصية

خلونا نفضفض براحتنا لووولز

> لا تصدقوا ,, جست كيدنق ,
حياكم باي وقت ومنورين القسم وربي ^_*





/


مممم بما اني دوبي صحيت فحاكتب مشاريعي الفائتة امس

صحيت العصر كالعادة

رحت اتصورت عشان خاطر بطلع رخصة بعد يومين ولازم صور

كمان تقديم الجامعة لازم صور

الموووهم

بعد ما خلصت رحت للحلاق , حلقت دقني لووولز

بعدين بعد المغرب مرووني العيال

كنا ناوين ننزل جدة

لان واحد من اصحابي بالدرة وقال تعالو ادخلكم

بس ما رحنا , لان صاحبي التاني المعفن ضاعت محفضتو

وفيها كل حااااجة

رخصة - استمارة السيارة - البطاقة - والفلوس

صاحبي دا خلااااص مررررة نفسيتو صارت باد

لمن اكتشف انو المحفظة ضااعت

بس ما نزلنا جدة ورحنا على بيت صاحبي بالعزيزية

كنا 8 , واحلى بلووووت وسووني

4 بلوت و 2 سوني و 2 يحنحنو عالجوال لووولز

بس فلينا اووومها هناك وقعدنا مع بعضنا بدل لفلفة الشوارع والدوخة والقروشة

ادن الفجر قمت رجعت البيت

اتخمدت

قبل شويتين صحييييت

,,,

اما مشاريعي لهادا اليوم

بعد شوية حروح اتفرج فيلم حق بروس ويليس Live free or die a hard 4

الفيلم مررررة جيد وجديد لساعو بالسينما

بس بعد ما اخلسو بروح امشي شويتين في السطوح لووولز

حاس نفسي تخمت من زمااااان ما مشيت وربي

بعدين ممكن ننزل جدة

لو كان فيه دخلة للدرة دخلنا

مااافييش حنروووح اي كااافي

وانا كمان خرماااااان معسل

ممكن نروح جافا او جيلاتو

مدري

المووووهم اننا نضيع وقت

هادا اللي ممكن اعملو اليوم لو عشنااا

ونفس اللي بنعملو كل يوم لوووولز

يلا T..C

[Mo!YaD DeWaN]

الله الله يا سونا يومك من بدايتو هجولة


انا اليوم نمت الساعة 11 الصبح


وصحيت 5


اول ما صحيت دخلت التواليت

واخدت شور

بعدين رحت خليت ماما تسويلي فطور

وخلصت الففطور وبعدين جبت اللاب توب

ودخلت جدة قايز

[Mo!YaD DeWaN]

^
^
^
^
^
زي الي فوق

[جداوية كدش]

مممممممممم

انا يا جماعه بيتك بيتك يا نت يا نوم يا قومه وعااااادي الطفش اللي هوا في التوب والله دي الاجازه قرف في قرف مره احوسها مالها داعي مره مره

بس وازا رحت عند صحباتي برضو احس بطفش والله انواع القهر احس مره مالي داعي كدا ما اعمل شي

ولا امس رحت الشلال انواااااااع الصروووووووووووووب استفغر الله عاملين زحمه والشاررررع فااااااااضي ........... يارب متى ينقرضو دوالي الصروب هعهعه....

[Mo!YaD DeWaN]

اليوووووووووووووووم


رحت شجعت في التحلية


والله مره عطااااااااال

[leen ya nasso]

انا وصحباتي لارا وروزا و تادي و جولي ودارين مع بعض في مصر في نفس الهوتيل واخديين غرفتين جمب بعض وجمبنا في بويز من جده مرره يضحكو قاعدين نتكلم معاهم ومره خايفيين عشان احنا بدون اهل ومررررره اتفشلنا طحنا كلنا واحنا رايحين الغرفه التانيه مرره لووووووووووووول كسفه ويومنا كلو سباحه وتشميس وفله
شكرا *hot lulu*

[اكره اكره اكره]

والله فليت امها رحت البيت وبعدين
دخلت الغرفة
وتفرجت افلام جديدة كلو كوم والنوم على السرير كوووووووووووم تاني
بصراحة احلى من الحب
ههههههههههههههههههههههه

[°•برق المحبه•°]

والله اليوم دعستلها
نووووووووووووووووووووووووم
من بعد صلاة الصبح
الين قبل صلاة العشاء
ثانكس على الموضوع

[Mo!YaD DeWaN]

نوووووووووووووووووووووووووووووم

نتتتتتتتتتتتتتتتتتتتتت

[™ đąякό ™]

سرقت شيء بس سرقه بيضه

[dal3_najd]

قومت الساعه 5 الفجرر وجلست اتفرج تلفزيووون الين الساعه 9 الصباح بعدين اهلي كلهم راحوو المسشفى
وتركوني لحالي بالبيت اهء والله طفش الين الحين وهو هناك وانا حروحلهم الساعه 5 العصررررررررررررر
وربي دين امي طالع ومره طفشانه وحاسه نفسي من كتر مني طفشانه حخرج لحالي اليوم من البيت
اهئ اهئ

[My life sto0ory]

اممممممممم

وربي مرة تفشآنه وانا لمآ اتفش آخد شوور ^_^

ورجعت قآعدة عالنت ^_^

وبث

[Mo!YaD DeWaN]

انا نوم صحيت نت وبش

[SoOoSeEe.]

امممممممممم انا اليوم عادي مواصله الين دحين
بنزل مواضيع واباكم تمرو عليها وتعطوني نقاااااااااااط و
في اليل حنسافر بس تبو شي من هناك ؟؟

[Mo!YaD DeWaN]

صح يا سوسي

تروحي ووترجعي بالسلامة

[coOoL&CuTe_BoOoY]

اليوم صحيت العصر الساعة 4 وجلست على المنتدى الين المغرب و شاركت وكتبت مواضيييع ردو عليها بلييييز

[°°°°° Lεмσσ °°°°°]

اليوم مممممممممممممم

كنت جالسه الصبح عالنت نمت 12 اظن وصحيت 7

جوني 2 من صحبااتي على 9 جلسنا سوا شفنا فلم

خرجوو من عندي 2 جلست عالنت لغاية دحين

[Mo!YaD DeWaN]

نوم نوم نوم نوم نوم نوم نوم نوم نوم نوم نوم نوم نوم نوم

[wa7d_7ejazy]

^
^

زييك واللهي طوول اليومـ نوووم .. هههههع

[Mo!YaD DeWaN]

روحت الصيرفي ميجا مول\\\


اتمشى واشتري ملابس

[°°°°° Lεмσσ °°°°°]

رحت مع صحباتي جلسنا في جوفريز

بعدين اخدنا لفه في التحليه ودخلنا اكلنا في ماكدونالز

ورجعت البيت نت ""

[+ Emo Girl +]

امممممممممم

اهم شي كلمت اللي في بالي
وخايفه لايكون زعلان مني

واااااااااااااااااااااااااااااااااااء

[Mo!YaD DeWaN]

وانا اهم حاجة اليوم انبسط مررره

[+ Emo Girl +]

^_^


انا اليوم قاعده افلللللللللها في المدرسه
على بنات اولى هههههههه


مررره بيض ماليهوم داااااااااعي مره كمان
ساكين كووول الازارير مو زيي العكس انا افتحها كووولها^ ^

يوووووووووه منعو المكياج تاني

[دحينه]

والللللللله فكررررره يا شيييييييييييييييخ

[+ Emo Girl +]

لااااااااااااااااااااااا

كله دراسه اليوم دا::(:(

[Μš.aиtëèKa]

يومي كلوووووووو

كفوشاااااا في المدرسه <<< تقصد كفشات

لوووووووووووول

بس مراا حلووووووو

اليوم تهزأت تهزيأ

يااااااااااااااه

هع هع

بس احلى يوم

عشان عزبت أبلة العلوم

هععععععع

[ҳҲҳ JeRsEy guy ҳҲҳ]

اليوم صحيت غسلت وجهي وتوضيت ورحت صليت

وبعدين

رحت المطبخ سويت اندومي مع الليمون

وبعدين حطيت الاندومي في صحن وفكيت الدرج وخذت ملعقه وفكيت الدرج التاني وخذت كبايه وحطيتيلي عصير برتقال بل جزر وبعدين اكلت وشرب

وبعدين كملت النوم حقي

وشكراااااا...

[ҳҲҳ JeRsEy guy ҳҲҳ]

تدرون بس الاندومي طلع مرا حلو

[Mo!YaD DeWaN]

انا اليوم اهم حاجة كلمت حبيبتي

[+ Emo Girl +]

*.*

*.*

*.*

*.*

*.*

*.*

*.*

*.*

اممممم

هههههههههه

انا اليوم مررره مني فاهمه شي ايش دا ايش دراني


لاااااااااازم شي يثبتلي:(


وااااااااااء :(

[BkKaShA]

انااا ماسويت شي كلوو نووم في نووم ياثلاااام

[H A K R]

^_^ صحيت من النوم وروحت سلييت صلاة الجمعه .. وبعدين رجعت البيت وجلست الح واجب الرسم الهندسي حق الجامعه شويه .. وبعدين جيت ع النت ^_^

لووووووووول


تحياتي

[m&ms]

رحت فطرت عند خالتي ودووبي راجعة وبثث

[mr-mg]

يا سلام عليــــــــــــك والله جبتها من جد نفسي أتكلــــــــــــــــــــــــــــــــــــــــــــــ ـــــــم كتييييييييييييييييييير المهم


أنا اليوم صحيت بعدين قمت بعدين...

فرشت أسناني..غسلت وششي

لبست ملابسي..

نزلت تحت رتبت الجدول و أثناء ما أنا برتب الجدول...

صدمت!!! لـيش أنا أقولكم ليش..عشان اليوم علينا رياضيااااات:(

و بعدين ركبت السياره و رحت المدرسه بعدين جا الأستاز و قللي ليش متأخر

قلتللو يا أستاذ وصلت أخواتي الإتنين و أخويا الصغر و بعدين جيت المدرسه<<<<<الكدب حرام

بعدين قالي مالي دخل زقاعد يجيبلي مبررات و بعدين عاقبني خلاني الف الملعب 3 لفات و أنا شايل الشنطه

طبعا أنا أختصرتها و فليتها 1 ونص ههههه المهم ما علينا من المدرسه لمما رجعت البيت نمممممممممممممممممت وفجأة صحيت!!! و بعدبن نزلت الصاله و قاعد و أنا دحين قاعد أكتب هادا الرد

بعدين حأفطر و حأتقرج طاش ما طاش و بعدين ما أدري ايش حسوي بعدين لازم الساعو 9:45 أكون في النادي الأهلي عندنا تدريب مررره مني فايق بعدين لمما أخلص مننو

حئجع البيت و ح أتعششا و أنااااااااااااااااااااااااام


8
8
8
هادا قلكم قصة حياته

[๑ Dl3 Zaid ๑]

لوووووووووووول ^_^


انا صحيت من النوم صليت الفجر

وقعدت على النت.. وهرج ع المسن الين قلبي وجعني من القيل والقال

دخلت منتدى جدة قايز ولعبت لعبت لعبت

ورديت كم رد..

وخرجت منو ورحت صليت الظهر

رجعت تاني ودخلت سيييييييدا على دا الموضوع

^_^

وكتبت دا الرد

وشكراً

[moon light]

السلام عليكم
اوكي انا جديده علي الموقع فاول مره بحكي هنا
اليوم الاربعاء اول حكايه لليوم
رحت الجامعه من الساعه 8 لحد الساعه 10 وبعدين خرجت انا واتنين من صحباتي روحنا فطرنا في جافا وبعدين حلينا في جيلاتو ورجعت الجامعه الساعه وحده وحضرت المعمل وخرجت الساعه 3 وووووووبس
ورجعت البيت فتحت النت وقريت الموضوع وعجبني وكتبت عن يومي وبس