البنت لولد عمها.............تفضل دردش معنا بالموضوع !!

[ToFFee]

السلام عليكم أخواني واخواتي...
هذا الموضوع يتكرر دائماً وأبداً
عندما يقرر الأهل منذ ولادة أطفالهم وأحياناً قبل الولادة بأن ابنة أخي لابني والعكس صحيح
و يكبر الأبناء ...
البعض منهم يرضى بنصيبه ....
والبعض الآخر لا يرضى بذلك .... لكنه يفرض عليه فرضاً
وقصص كثيرة نسمعها من هنا وهناك .... عن الحجز منذ الصغر
وتزويج الأطفال مع وقف التنفيذ !!!
والآن مارأيكم بزواج الأقارب ؟؟
هل أنت مع أم ضد؟؟ مع ذكر أسباب تأييدك أو اعتراضك !!
أرجوا المشاركة من الجميع

بصراحه هذا الموضوع شفته واعجبني قلت انزله هنا واشوووف ارائكم ....

[sweet smile]

اول شي مرررررة شكرا واللهي عالموضوع توفي

و الله تستاهل عليه احلى نقطات

^_^

و تاني شي اقلك رأيي بصراحة

انا عن نفسي ما ابا احد من العيلة

لانو احس انو تزيد المشاكل لما يكون جوة العيلة و كمانا ما نخلص من الهرج و التدخل منهم

طبعا هادا بس رأيي و الواحد ما يعرف فين نصيبو

اما قصة انو يحجزوا البنت للولد فدا انا اشوفو بالمررررة صراحة غبااء

يعني برضو الولد لو الاحقية انو يختار و برضو نفس الشي البنت

و المفروض ما ينعصبو في مواضيع زي كدا لانو دي حياتهم و هم احرار مين يختاروا

مممممممممم

و ايش كمان

ايوة احيان يكون القريب من جد ما يتفوت و معروفة اخلاقو و كمانا انهم يعرفو من زمان

عشان كدا يفضلو انهم ياخدو من العيلة احد معروف بدال ما ياخدو احد ما يعرفوو و يخافو يطلع لا سمح الله مو كويس و لا شي زي كدا

<< وي خلاص هرجت كتير

هههههههههههه


ثاااانكس اقين عالموضوع توفي

و انشالله ازا عندي شي تاني اقولو راح اجي اقول

<< لسا كل دا و برضو تبي تقولي الله يجيرنا

ههههههههههههههههههههه

[كتكوته ومره كيوته]

بصراحه احس انو الناس اللي بتعمل كدا متخلفين لأنو الزواج لازم يكون فيه تفاهم ويكونو مندمجين مع بعض وهما ساعتها ايش عرفهم انو هما حيكونو لايقين على بعض وبعدين هادا شي والشي التاني انو ساعتها حتنتشر الامراض الوراثيه ومو لازم تكون خطيره اي عيوب في العيله حيتوارثها الاجيال من بعدهم وكمان زي ماقالت سويت انو المشاكل بين العيله ختزيد وفي عيل كتير اتشتتوا واضاربو بسبب هادا الشي وهادا رأيي وتقبلو مروري
وثانكس ليك ياتوفي

[ToFFee]

مشكوره أختي سويت سمايل و كتكوته ومره كيوته
على مروركم على الموضوع
وشوكرن على التثبيت بس ما في أحد رد غيركم ليش كدا
انا زعلان:(

[ωσω MiSs ωσω]

امكن احنا ما بنعاني من دا الموضوع كتير بس في بعض العوائل يحوسو خلاص دا شي ما فيلو نقاش انو البنت لي ولد عمها و ولد عمها ليها

انا بالنسبه ليا مو معارضه انو البنت تتزوج ولد عمها لاء معارضه فكرتهوم انو خلاص حاطين في بالهوم دا الشي

زواج الاقارب بالنسبالي

عادي ازا اتنين مبسوطين و حابين يتزوجو الله يوفقهوم و يسعدهوم

تاانكس توفي على الموضوع الختيير

[Mystery]

انا عن نفسي نوووو وييييي اخد احد من اقاااربي ..

مرررره اعنس ولا اخد احد منهم لووووووول ..


بس ع الموضوووع داا ما فيلوو حاجه .. لو كان عن تراضي الطرفين .. الولد اتقدم و البنت موافقه ..

اما انها تكووون كتقاليد في العيله .. غصبن عنها تتزوج ولد عمها بصراحه دا تخلف..

قريت قصه لعائله كويتيه .. بنت كانت تحب واحد و اتقدملها .. طبعا الموافقه مو بيد ابوها و امها و هيا بس ..

لا الموافقه بيد اولاد عمهااا .. اذا ولا واحد منهم يبغاها رمووها ع المتقدم ..

ولو واحد منهم حاطط عينوو عليها يا خدها .. و دا الي صار .. اخدها واحد من اولاد عمها

وانحرمت من الي تحبوو عشان تقاليد العيله دي . . مع انوو ولد عمها دا متزوج قبل

كدا اخدها كـ الثانيه يعني .. واكبر منها بسنيييين

و البنت دي بعمر بناااتووو .. و تنام مع بنااتوو ..

يعني باللهي مين بترضى تنظلم زي كدا ؟؟؟

بصررراحه مررره مررره انا ضد دا الشئ .. خصوصا اذا كدا بالتقاليد ..


وتسلم توووفي ع الموضوووع دا .. ^^

سي ياااا

[نابلسي]

والله يا خوي ToFee هذه الأشياء كانت زمان صحيح بس الآن تغير الوضع.

الآن العقول تفتحت و الناس تغيروا وكمان التعليم له دور أساسي في هالموضوع.

أما برأي أنا إنوا زواج الأقارب مش غلط بس الأقارب الإبعاد
مثلاً إبن عم زوج عمت الشب.

[EXTRA P!NK]

توفي مودوع مرره جييييد
واللهي الى الان في ناس لسا تفكيرهم كداااا
وانا احسو ظلم بصراحا ولا ياخذو راي البت ولاشي

:(

من يوم ماتنولد البت يقولو خلاس فلانا لفلان
ورايها ولاهو مهم وكأنهم هما اللي بيتزوجو
هيا صحيح خفت بدا الزمن بس الى الان موجوده
وعقبال ماتختفي الظاهره السيئه ذي

ميرسي توفي ع المودوع الحلووو

سي يااا

[نابلسي]

وانا احسو ظلم بصراحا ولا ياخذو راي البت ولاشي



والشب كمان

[EXTRA P!NK]

يب يب وحتى الولد
اصلن من شروط الزواج الصحيح رضى الطرفين
وهما مااخدو لارضى البت ولا الولد
يعني اختل شرط من الشروط ولا انا غلطاانه؟
وحتى لو اتزوجو محى يعيشو حياه حلوه ابدن
لانهم مغصوبين على بعض

[Oreo Yummi]

طبعن هاي

وتاني زواج الاقارب مو كويس

لييش ؟؟؟

للاسباب ..::

اول شي حتيسر مضاربات ويسبب تشتت ..

تاني شي

الامراض الواثيه حتزيد :(

ونسبه الغباء تزيييييد ..

وتكتر المضاربات والنفاق بين اهل الزوج والزوجه

>> بدأت تفتي :)

واصلن مني مع زواج الاقارب ..

وبس .. ومرره ماحب اكره زواج الاقارب .. لوول


يلا بباي

نونا مياو :10:

[نابلسي]

EXTRA P!NK

لا والله مو غلطانة

[world queen]

لا بصراحه انا ما أأيد زواج العيله اللي ما وراه الا المشاكل والتعب وهذا شي انا شايفه بعيني وبصراحه مرره مو حلو
حلو انه الواحد يدخل ويتعرف على عيله جديده او مجتمعات جديده ..

هذا رأيي وثانكس على الموضوع النايس

[BlaZe]

..

ما ازيد على اللي قالوه الاعضاء الا انو زواج الاقارب ثبت علميا انو كل اربعه اطفال حيكون منهم واحد معاق >> اما نظر او اعاقه شديده .. او اعاقه بسيطه زي مثلا اصبع زائد ..الخ

يعطيكـ العافيهـ .. + نوقاطز .. ^^

[BASH]

هوااا ايه دااا
مفيش كل واحد يتقوززز الي عاوزوو>>>>>>>>>>>>>>>>عصبت
بس مره ثانكس
سي يااا

[HaShOooOmY]

أنا بصراحة أأيد وما أيد

أأيد لأنو ممكن يكون هناك حب بين الطرفين فما يصير إنو نفرق بينهم


وما أيد

لأنو اذا صارت مشكلة أو صار طلاق لا قدر الله راح يصير تفرق في العوائل ومشاكل كتير

وراح يكون في تدخلات كتير

[احساس داجة]

مووضووع جدا رئع

انا وش اقول مع اذا البنت تبي ومووافقه وضد اذا الثنين رافضين هالشي

لكن انا بصفه عامه حلوو البنت تاخذ ولد عمهااا


اولى فيها من الغريب ولاتخرج عن العايله محد بيقدرها ويخاف عليها الا ولد عمهااا

[omar15]

السلام عليكم ورحمة الله وبركاتوه

هاذي عاده سيئه جدا طريقه غير حضاريه وتسبب بامراض زواج الاقارب وانا ماايد زوج البنت بي ابن عمها لا اذ تصلحو الطرفين


وشكرا ............................................

[P!NK L!PS]

يديكـ العآفيه خيوو تووفي مودوع مووهم والنقآش بيه آهم ..
آنا من وجهة نظري آبدا مش سيئة ظاهرة الزواج من الأقارب السيء فرض الزوآج عليهم ..
زواج الأقارب كآن من زمآن . وأنا من وجهة نظري كويس ومش كويس
الكويس فيلو آنو يكووونو عآرفين الولد تقريبا تتطابق التقاليد والعادات ..
واللي مش كويس بيها آنو ممكن يفشل هالزواج بسبب عدم توافق الطرفين او احد الآطرآف بالآخر ..

وعلى قولة آخواني اللي في السفحات اللي قبلي .. الزمان تغير والدنيا تغيرت والناس كمان تغيرت ..
دحين البنت اللي سآآرت تختآر عريسها ..

الله يوفق الجميع ويزوج البنات ابناء الحلال ويزوج الشباب صبايا الحلال <<< مستعجلة على الزواج بدري عليكي ياستي ههه
يسلمو على ترح المودوع ودي وجهة نظري
ولاتبخل علينآ بجديدكــ دووومتـ

[leen ya nasso]

مرررررررره شكرا عالموضوع انا عن نفسي افضل اني ما اتزوج ولا اني اخد واحد من العيله صراحة مررره ما احب وكمان مهما يكونو اهلو طيبين لازم تسير مشاكل عشان كدا انا ضد دي الفكره
تانكــــــــــس

[hkona mtata girl]

انا مرا مرا ضدها حتى مسلا لو كنا نحب بعض بس مرا غلط لأنو مرا اشياء واغلاط مرا كتير حتسير
اول شي انو من العيله
تاني شي انو الشيلدرن لا سمح الله كلهم او بعضهم يطلعو مشوهين
وانا مرا ضدها
وتانـــــــكس يا قمر ع السؤال

[الكـــــاسرRabee3]

بكل صراحه دا اسمه تخلف

بمعنى الكلمه

ويسلمووووو عالموضوووع

[soul_823]

مع إحترامي وتقدير على الموضوع الهادف والرائع يا توفي بجدمرررة تسلم على الموضوع

اولا الأقارب عقارب مع إحترامي لأقاربنا جميعا لأنو اي مشكلة ممكن تسير مع الزوجين راح تتدخل العيلة كلها
ويزعلوا من بعض ويبطلو يزورو بعض ووووووو.........................

فالواحد يبعد عن الشر ويغنيلوااا.......................

البنت وولد عمها والعكس

هذا مشهور عندنا عند البدو القبايل يعني

ومو عند الحضر ولو كان فيه عندنا بقلة وهو بصراااحة مرررة مو تمام لأ ممكن الولد مايكون مرتاح للبنت والعكس طبعا
او الولد يكوون مو تمام وتصرفاتو هبلة ومو قد المسؤولية ووووو...................

فعشان كده مالو دااعي يعني والواحد يبعد عن الاقارب مررة تفاااديا لتخريب علاقااات العيلة

حتى لو كااانت البنت قمممر
والولد كماااااااان

هذا رأيي مدرري عنكم

وسووووري على الاطالة

وسلاااااامتكم...................

[L0La2 alzaAa7fa]

انا ضد زواج الاقارب ومر ما امشي معا
لا نو انا عليتي عندهم مرض السكر وراثة
وصراحة ما ابغى بزورتي يتعزبو من هما صغار
وبعدين لو سارت مشكلة بيني وبينو ما تتضارب كل العيلة علية
والاهل اللي يزوجو بناتهم بالغصيبة
دول ناس ما يستحو
وربي رح يوريهم كيف يسير طول ما يسوي للبنت شي تلوم اهلها طول عمرها
وهما يفضلو متحملين زمبها طول حياتهم

وشكرا على الموضوع

[Daddy's Babygirl]

هاي
مااعتقد في احد دي الايام بيفكر بدا الاسلوب
دحين حتا سارو الناس معتبرين عيال عمهم ولا بنات عمهم اخوانهم من كتر ماالقاعدة حقت "البت لولد عمها" اتشالت

[°•برق المحبه•°]

السلام عليكم
انا ضد هذا التفكير
لأن الأقارب عقارب
مشكووووووووووورين
على الموضوع

[الهـــاوي_مكه]

اولا يسلمو على الطرح الرائع وثاني انا راي لو يكون من بره العيله افضل

تجنبا للمشاكل سواء العائليه او من الناحيه الطبيه فكثير امراض تظهر على الاطفال سببها التزاوج من الاقارب

والله خير الحافظين

[انـ،ـتـ،ـقـ،ـام الـ،ـورده]

انا رايي انــ،ـو لـ،ـو كـ،ـانـ،ـو بحبـ،ـو بعـ،ـض ليـ،ـش لا

بـ،ـس ازا كـ،ـان لا مـ،ـا برضـ،ـاها

لانـ،ـو كـ،ـل واحد حـ،ـر فـ،ـي اختيـ،ـار شـ،ـريك حيـ،ـاتو

وكمـ،ـان همــ،ـن مـ،ـن حئهـ،ـم يختارو

ومـ،ـا بحـ،ـق لاهالـ،ـيهم يفرضـ،ـو عليهـ،ـم اشي مـابدهـ،ـم اياه

وكمـ،ـان مش الاهـ،ـل الي رح يـ،ـتزوجو عشـ،ـان يختارو لاولادهـ،ـم

^^ سـ،ـلامـ،ـات

[The Minister]

وليييييييييش كولكم مقتنعين إنو غصبا عنهم .. ؟؟

يمكن الاتنين بيحبوا بعض ويبغوا بعض

----------

و إزا في نصيب ربنا يوفق إن شاء الله

ويسلموووووووووووووا

على الموضوع المميز ^^