موقف حزين حصل معك ........ ادخل وشاركنا فيه

[dal3_najd]

السلام عليكم ورحمة الله
كيف حالكم شباب وبنات

الموضوع باين من عنوانه كل واحد فينا يكتب موقف حصل له

وانا راح ابد اول

بصراحه المواقف كثيره بس اللي اثر فيني اكثر شي
لمن حبيبي الاول خانني مع اعز صحباتي :o وهم الاتنين كانوا عارفين انه انا احبه واموت فيه بس كل شى قسمه ونصيب وانا الحين اعيش قصه حب احلى من الاولى 100 مره وانا الحين مرره مبسوطه معاه والله لا يغير علينا قولوا امين بسرعه

:o يالله عاد ياشباب وبنات لاتحرمونا من مشاركاتكم الحزينه :o

[dal3_najd]

حراااااااااااااااااااااااااااااااام عليكم مافي احد رد ولا احد ليش هذا التحطيم كله طيب والله الموضوع يستاهل الرد عليه

[sweet smile]

وي يا قلبو

يشرفني اني اول وحدة رادة عالموضوع واللهي

من جد مووضوع مرررة حلو و يستحق التثبيت كمانا

^_^

ممممممم اما بالنسبة للموقف

في مواقف كتييرة حاقول وحدة منها

في موقف صراحة مرررة زعلني

لما في مرة من المرات سارت مشاكل في العيلة

المهم و نحنا الخمسة << فصدي انا و اخواني

كنا الضحية يعني مرررة مالنا زنب في المشكلة كووولها

المهم و قي النهاية حطوا المشكلة عليينا

و طبعا مين اللي راح فيها انا و اخواتي الاتنين لانو اخواني صغار ما قالو عنهم شي

و حتى ماما اللي هيا ماما اللي مستحيل تنقلب في يوم ضد بزورتها كانت ضدنا مررة ما صدقت من جد اثرت واللهي فينا

المهم هيا المشكلة دحينة يعني عدت خلاص بس كل ما اتزكر الموقف مررة انقهر

<< وي تلاقيهم ما فهمو شي

هههههههههههههههه

ادري انو كلامي زي وشي

يلا استحملوني شوية

هههههههههههههه

المهم انشالله كل ما يكون عندي شي ابا اقولو راح اجي هنا

<< تبا تبلشكم

و شكراااا يا قلبو اقين عالموضوع

و تستاهلي عليه احلى نقااط

^_^

[dal3_najd]

باضبط قولي ايش اقولك انت اول وحده ترد على الموضوع وتعطيني النقاط مممممممممممممممرررررررررررررررررررره شكرا

[نابلسي]

هعهعهعههعهع

طيب أنا مرة صار معي موقف حزين

دكتور الرياضيات عنا بالجامعة رسبني مرتين
المرة الأولى 48 ودرجة النجاح طبعاً من 50
والمرة الثانية 45.

هذا الموقف إلي خطر في بالي

[EXTRA P!NK]

موقف حزين


:(


لما نقلنا من جده للمدينه وبس

:(



ثنكيو ع المودوع


:(


سي يااااااا

[dal3_najd]

بجد تسلمو على ردودكم اللي تبكي

[عـمـاد..~]

والله انا

بصراااحه

لما اغلى الحبايب

راح

بس ما اقدر اتكلم اكتر

تقبلي مروري

ولك مني احلى نووقيطاات

[world queen]

في شعبان اللي فات كنا في كباين النخيل ومبسووووووطيييييييين آآآآآآآخر بسطه بس بصراحه كان كل واحد حاس بضيقه على قد البسطه ..
وفي يوم الخميس جا خالي وقعد معانا وكذا واكبر قهر اني ما قعدت معاه يادوب بس سلمت عليه وخرجنا انا وبنات عمي
وخرجو اخواني وخالي وبابا ورجعو على بعد المغرب يعني بعد ما صلو وهما داخلين الكبينه طاااااااااح خالي وهو ما فيه ولا شي وعليها ولا رجع قام وياااالله لما اتذكر آآآآخر نظره منه يعورني قلبي لاني ما قعدت معاه .. بس هذا قضاء الله وقدره

سوووري اذا طولت عليكم

[Dark souL]

يا بنت انتي موضيعك مره مره مره حلوة

يعني عندي مواقف كثيره تحزن وكل ما اذكرها ارجع ابكي

ولموقف الي ما انسااااااه قبل 4 سنوات

لمن شفت الخيانه قدام عيني

وبرضوو من حبي ليهاا اكذب عيني

واقوول لا لا هي لساعه تحبنيي

وكان هذا اول جرح لييييييه



والله والله والله

موضيييعك

مره مره مره

جميييييييله

وشكرا قلبووووووووو

[dal3_najd]

صدقني الموضوع موحلو بقد ماردودكم كانت احلى بس لازم كل شخص في الدنيا يتعرض للمواقف اللي زي كيده بس اسفه اذاكنت ذكرتكم بشي كنتوا
نسيتوا بجد اسفه وشكرا على الردود

[الاميرة الدلوعة]

موقف حزين عندي لما تخاصمت مع اعز صديقاتي في المدرسة بس الحمد الله بعد اربع اسابيع اتصالحنا.

[dal3_najd]

اووووووووووووووووف بعد اربعه اسابيع اتصالحتوا ارحمي نفسك بس شكرا على الرد ياعسل

[sami 3asal]

موقف يمكن يكون مو مهم لكم بس انا أثر عليا كتير

اختي مرضت وانا ما كنت في البيت واتصلوا عليا وقالولي انها مرة تعبانة بس انا كنت مع الشباب بره البيت

واحسبهم بس كدا يتمسخروا معايا عشان يبغوني ارجع البيت ومرة ما اعطيت وش يعني طنشت مررررررررة

ورجعت البيت اليوم التاني لقيت البيت قالب الوالد والوالدة ما راحوا عل اشغالهم وقاعدين في غرفة اختي

واخواني مكتئبين وانا مرة اسوي نفسي كانو ولا شي

وكل واحد منهم يعاتبني على اني ما رجعت البيت

وخلاص حسيت بالندم بقوووووووووة مرة وشوية بانفجر من القهر وقلت والله لو كان صار لها شي وانا بره البيت لا سمح الله كنت مرة ما حاسمح نفسي

بس الحمدلله فترة عصيبة وعدت وقامتلي اختي بالسلامة الله لا يرجعها من فترة

تسلمي والله يا دلع من جد موضوع جيد

سلملم

[dal3_najd]

مررررررررررره لا الموقف لو انا مكان اختك كان ماسامحتك بس الحمد الله ازمه وعدت وان شاء الله ماتتكررررررررررر
تسلم ياقمر على المشاركه

[CuTe Girls]

دلع انتي عارفه الموقف حقي ايش هوا اكييييييييييييييييييييييييييييييد عارفتو بس ماراح اعلق خلاص يكفي انتي عارفتو عن مين وايش هوا وايش سار فيا من بعد داك الموقف الصعب إلي والله من جد ما اقدر اشيلو من بالي بس هادا قضاء الله وقدرو والحمد لله
تقبلي مروري

[dal3_najd]

كنت عارفه انو حيكون كيدا جوابك بس كلو زي ماقلتي قضاء وقدر
وما نقدر نعترض على حكمه ربنا كل اللي تقدري تسوي انك تدعيلها
وكلنا حتكون نهايتنا كيدا وتسلمي ياقمر بعدين في النقاط

[عـمـاد..~]

موقف حزيين

صار مع واحد

ناس تحااول تفرق بين واحد وحبيبتوو
والمشكله راح هوا قلها قالو عنك كده وكده

وبحااول يوقف معاها

ترووح تقولو مدام هما كدا خلينا نبغد عن بعض

والمسكين والله انو راح يضييع من بعدها

وهي ماادري حاسه فيه ولالا

بس الواحد يقول حسبي الله ونعم الوكييل على الي سوا كدا بينهم

وهوا مره مشتااقلها ومره يعشقها

يارب يرجعوو مع بعض احسن من اي يوم فات

تقبلي مروري

دلع نجد
موضوع مميز
زي الي كاتبوو

[dal3_najd]

يارب وسلملي عليها وعليه وقلهم كلام الناس لا
بيقدم ولا ياخر بس مااعرف على حسب الكلام اللي انقال
وتسلم

[ķάηdόόşhү ςόόĻ]

كلنا حصلت لينا مواااااااااقف حزييينه بس لازم
تنحمل ونتحمل ومانفقد الامل اننا نشوف مواقف تعوضنا عن المواقف الحزينه
معليش ياdala3 najd لازم كلنا نتحمل
------------------------------------------------
المهم انا موقفي الحزين هوا:
لما حبيبتي خانتني واعترفتلي قدام حبيبها بانها ماتحبني وهيا تحبو هو وبس.
بس الحمدلله انا لسه ماني فاقد الامل اني اشوف يوم موقف حلو يعوضني عن المواقف الحزينه...
-----------------------------------------------
مرررررررررررررررره ثااااااااانكس والموضوع يستاهل التثبيت والله وانتي تستاهلي احلى نقاط ياعمري

[dal3_najd]

تسلم ياقلبووو على الكلام الحلو واكيد قد مابحياتنا مواقف حزينه
قد مافيها كمان مواقف حلوووو

[۩۞۩ A.L.I.S ۩۞۩]

اللهـ يخربـ بيتكـ يا دلعـ

خلاص مدام دخلت الموضوع لازم نكتب

..............

بنتـ خالتيـ بيبو( هبه )
عمرها 6 سنين

البت دي كانت تمووووووووت في واحد اسموا علاوي
الوحيد اللي في العيله اللي تموت تلعب معاه

وبسرااحااا البت دي انا مره اموت فيها من بين كول الصوغار اللي عندنا في العيله

لانها مره كتكوووووووته ومره عثوووووووله
وتسمع الكلام
واحلى شي لمن تبكي يوه شكلها مره ختير

وقبل رمضان روحت بيت جدي
وبييت عندوا ووقتها كانت خالتي مبيته عندوا كمان
وخالتي ما عندها غير بيبو حياتوا

ووقتها انا كنت ابغى ارجع جده
ومررررره قرفان من مكه ومن بيت جدي
وابغى ارجع جده تعرفوا كووله عشان الفله اللي في جده

وصوبحان الله بيبو كانت مبيته في نفس الويكند في بيت جدي
وكل شويه تجيني تبى تلعب معايا
وانا تين امي قااافل
فسرت اقولها انزلعي عني
وهيا المسكينه على بالها اني امزح
قعدت تزن تزن عليا
الين ما سرخت عليها

فهمت الوضع ومشيت

وفي نفس اليوم مشيت على جده
ولا حتى شوفتها

ومن بعدها ما دخلت بيت جدي
رمضان عدا كووووله من غير ما ازور جدي

يوم 25 رمضان اسمع بنت خالتك بيبو اتوفت

اول شي قعدت ادحك لاني ما ستوعبت الفكره
انا ادحك وامي تطالع فيا
اطالع في اختي ساكتيييييييين

سيدا على الغرفه
وافتكر اخر لعبه لعبتها معاها
ماكو
اخر شي سرخت عليها
وراحت تبكي

طب شوفتها راضيتها حلاوه اي شي
ماكو

يووووووووووووووووووووووه

الله يرحمك يا بيبو
طير من طيور الجنه بأدن الله

يارب سامحني

واللهي انو جدتي كانت لمن تشوفها تقولنا
هدي مي لكم
كانت تقول لخالتي البت دي موش ليكي
وخالتي تقولها صلي على النبي
اااه

اللي زادني قهر

انو لمن اتجمعنا يوم العيد في بيت جدي في نفس السنه

يعني بعد كم يوم الحادثه
خالتي تقولي علاوي والله بيبو كانت تحوبك

وربي حسيت نفسي انسان حقيييييييييير

اااااااخ

الله يرجك يا دلع

يلا خلاص

وربي شويه وافك خط

يعتيكي العافيه

بيسـ

[dal3_najd]

انا ايش دخلني الله يرجني مني مرجوجه مني ناقصه رجه انت عارف رجتي كيف كمان تدعي انوو الله يرجني
بعدين الله يرحمها وبعدين المفروض تحسن اسلوبك مع الاطفال لانهم مايفهموو زينا طيب بعدين من جد انا نفسي يكون عندي اخت او اخ صغير عشان العب معاه بس ايش اسوي انا اصغر وحده على العموم شكلي انا حفك خط معاك
ههههههههههه يلا كلوو باجرووو ايوه صح سلملي على نونه مرررررررررررررره كتير وقولها مبروك على الشهاده

[۩۞۩ A.L.I.S ۩۞۩]

ايووووووووووووهـ

ما شاء الله سرتي تعرفيها

:)

الله يرجكم وربي انتوا البنات

:)

اوك ولا يهمك

مره تانيه لا تقوليلي حسن اسلوبك

لانو اسلوبي احسن من اسلوبك معاهم
لاني محروم منهم اصلن
واموت عليهم

بيس

[sweet smile]

الله يرحمها

:(

وييي

دحييينة فهمت نونة

^_^

سلملييي عليهاااا

و مبروووك الشهادة

ايوة صح انتا كمانا اخدتها اكييد صح

مبروووك انتا كمانا يا دوووبة

ها بشر كيف ؟؟

[dal3_najd]

كلنا محرومين منهم بعدين انت ايش دراك بالسلوبي والله ياليت يكون عندنا نونو
في ولد اخويا بس والله اغر منوو عشان بابا وماما يدلعوو ويخصروني
بس ايش اسوي خلاص راحت عليا

[۩۞۩ A.L.I.S ۩۞۩]

انتيـ كمانـ

طب دي وتعرفها انتي تعرفيها

ولا بس كدا

:)

النسبه زفت والحمدوا لله

وخلوها مستوره

دحين مو تدعولي عشان نسبه

تدعولي عشان اي جامعه تقبلني

:)

حستلمكم انا

ادعولي ادعولي

:)

بعدين انتوا منتوا حاسين انوا غيرنا الموضوع بالقرقر حقكم دا

ها

:)

يلا خلاص

بيسـ

[sweet smile]

خلاص ازن خليها مستووورة

ما احب اغصب احد يقلي النتيجة لانو ما احب احد يغصبني اقول النتيجة و انا ما اكون ابا اقولها

ههههههههههههههه

يووو انشالله تنقبل في القسم اللي تبااااا

وي دلع مي توو

اخوية الصغير الدوووبة اخر العنقود و دلووووع

ههههههههههههه

بس ما اغار منو عادي اتعودت :p

الموهيييم ارجع للموضوع تاني على قول اليكس غيرنااا الهرجة كووولها ههههههههههه



طيب انا مو موقف يعني هيا كلها على بعضها مواقف كتييييرة

بس اساسها المشاكل اللي في العيلة

اول شي ما سرنا نخرج زي زمان واللهي من زمان ما خرجنا كدا كلنا مع ماما و بابا و اخواني كلهم خرجة من غير مشاكل

و كمانا المشاكل دي حقت الكبار فرقتنا عن بنات عمي

زمان كنا دااايما نروح نبات عندهم بالايام و هم يجو عندنا كمانا

بس دحينة واللهي بالقوة و بالزن الين ما نشوفهم و يادووووب كم ساعة بس

:eek:

و العيلة كووولها ما سارت تتجمع و لا حريم اعمامي و لا بنات عمي كوولهم

و اكتر شي حارقني انهم بيظلمو شخص مرررررة غالي عليا

بس الله يصبرها يا رب




وي سوري هرجت كتييير

هادا ازا فهمتو شي

بس الزبدة انهم مررررة عاملين مشاااااكل مالها اول و لا اخر و بنروح فيها انا واخواتي اكتر شي مع انو مال لجدنا صلاح نحنا

<< طلع العرق المكاوي هههههههه

[dal3_najd]

وي ياقلبووو والله عادي خدي راحتك الموضوع موضوعك
بس اقلك شي حتي نحن بعيلتنا كانت نفس دي المشاكل
بس مع الوقت خلاص راحت وان شاء الله حتي انتوو
يلا ان شاء الله ازمه وتعدي قولي امين انتي بس

[sweet smile]

آميـــــــــــــــــــــــــــــــن

يا رب يسمع منك

و يهديهم كووولهم

[dafora ms6olh]

اكتر موقف حزني من زمان وانا عمري 7 سنين سيدو مات بس مو في اي يوم مات في اول يوم عيد طبعا هاداك العيد كان اسوء عيد وماراح اقدر انساه وطول الوقت باتزكرو حتى دحينه لمن تسيرلنا اشياء حلوة زي لمن في فرح اختي قعدت اقول ياريت يكون معنا يعني لو هوا معنا ايش كان سوا وزي كده<<< ببكي وانا قاعدة بكتب ولانو قبل ما يموت كان لو فترة في المستشفى وكل يوم لمن كلهم يرحولوا اقعد اقول خلاص هما دحينه يرجعو وهو معاهم واقعد استنى على الشباك لمن يجو بس قدر الله ما شاء فعل الله يرحمو
كمانه ولد عمي لمن مات ياحرام مرا يحزن عشان قبل ما يسرلو الحادث كان قاعد يكلن اخويا بالجوال وبعدينه لمن عرفنا اخويا ملرا حالتو النفسية اتازمت وكان بلمرا مو قادر يزاكر كان قبل الاختبارات
شكرا على الموضوع والله يرحمهم كلهم

[fashion girl]

ياكثرها المواقف اللي الله يصبرنا عليها

اني ما اديت البيست فرند حقتي
حقها دايمن انشغل عنها مع البنات
مسكينه وربي لازم اسمعلها واشوف
اساعدها بس انا انشغلت مع البنات
عنها

حبكي وربي

مشكوره على الموضوع الحلو

[dal3_najd]

العفو ياقمر على ردك الحلووووو
بس لازم نعطي اعز الناس وقتنا
انتي عارفه لاقدر الله وصارلها شي
صدقيني حتندمي على كل دقيقه
ماكلمتيها او جلستي معاها
بس ان شاء الله تتحسن الامور

[+ Emo Girl +]

اسوء موقف ريت بيه لمن اتفرقت انا واللي احبو خلاص داك الموقف مرره يححزن ويبكي ومره مدري ايش اقول هئ هئ هئ هئ





يثلموو دلع على المودوع القمر