بنات هادي اليومين

[hkona mtata girl]

>>بنات دي اليومين ؟>>>>الموضوع مفهوم اعتقد وواضح وكل شي>>>>بنات دي اليومين ؟؟؟؟؟؟؟؟؟؟؟>>ابغاكم انتوا تقولولي اش رايكم في بنات دي اليومين ؟؟>>>>بنات دي اليومين بصراحه الله اعلم بحالهم يعني منجد قمه في المسخره وقلة >>الادب بس اكيد مو كلهم بس انا اتكلم على اكترهم واغلبهم بنات جده خلااااااااص >>ماصار في لاحيا ولاشي يعني بصراحه البنت صايرة تخرج من البيت فل ميك اب وكل >>شي ومتعطرة والعبايه مفتوحه والطرحه عالكتف او نص الشعر باين يعني بالعربي >>كأنها رايحه زواج>>ما اعرف يعني ابوها ماشافها وهيا خارجه ؟ مهو عارف انها حتشوف رجال ؟ بالله >>لو رجال شافها اش حيقول ؟ حيقول دي خارجه تبغى الاذيه>>>>طيب سؤال ؟ البنت دحين ليه تخرج زي كدا ماتعرف انه ربها بيراقبها فكل لحظة ؟ >>مهي عارفه انه كل شي بتسويه ربنا بيشووفه وحيعاقبها على كل شي خطأ بتعمله ؟>>>>طيب غير كدا البنت لما تخرج وتتمسخر والعبايه مفتوحه واحيانا بدون ومعطره >>وراحت الصواري لاند مارك او الدرة او الكريستال وماشيه وكل ماشافت اولاد >>بتضحك معاهم وكدا ايش تبغى دي فحياتها بالله ؟؟>>>>كيف ترضى لنفسها بدا كله ؟>>>>لا وغير كدا وصلت مرحله انه البنات صاروا يرقموا اولاد من جد يالطيف الله >>يستر على بنات المسلمين>>>>انا نفسي اعرف دحين البنت لما تتكلم بالجوال مع ولد اش تبغى منه ؟>>تحبه ويحبها ؟>>طيب وبعد كدا ايش ؟>>حيجي يتزوجها يعني وكدا ؟>>اغلب الاولاد مابيفكروا كدا>>بس بيضحكوا على البنات وفي النهايه معروف اش يبغوا منهم ؟>>>>طيب المهم حبيتي الولد وكدا وكل يوم تكلميه وتقابليه اش تبغي منه كمان ؟>>>>راضيه عن نفسك كدا ؟ ترخصي نفسك عشان ولد ؟>>مو حيجيكي ان شاء الله الي يتزوجك ويسعدك ان شاء الله>>طيب وغير كدا دحين البنت لما تدخل النت وتقعد توزع رقمها وتنشر صورها على >>التاجد او الفيس بوك او الهاي 5 ؟ اش تبغى بس كدا تعارف يعني ؟>>>>ولا تستعرض ولا ايش ؟؟ طيب جوكي الاولاد واتعرقتي على اولاد كتير ما شاء الله >>؟ اش كدا حتصيري شاطرة وكويسه يعني ؟>>>>منجد البنات دي اليومين وصلوا لمرحله الله يستر عليهم ؟>>وغير كدا لما البنت تخرج مع صاحبها ( تديت ) وتروح معاه أي مكان وبعضهم >>شاليهات ( كباين ) ويبيتوا ومسخره وبعضهم طبعا شراب وحشيش وطبعا بعدين الكل >>يعرف اش يصير>>انا مو قصدي اتريق او شي بالعكس قصدي يعني ليش كدا ترخصوا نفسكم يابنااااات >>؟؟>>انتوا بنات المفروض سمعتكم انتوا اكتر ناس تحاولوا تحافظوا عليها وماترضوا >>احد يغلط عليكم او يتلكم عليكم فليش تجبروا الناس على كدا ليش تروحوا للغلط >>وتغلطوا بنفسكم ؟؟>>>>انا بدا المسج مو قصدي اغلط على احد ولاشي اتمنى انه كل البنات يقروا دا >>المسج واتمنى انهم يحاولوا يتغيروا ويبطلوا الحركات الي مالها داعي ويحافظوا >>على سمعتهم وعلى سمعت اهلهم لانه اهلهم مالهم ذنب على الاشياء الي هما >>بيسووها ؟>>>>>>يابنااات لاتقولوا انه الاولاد مابيغلطوا بالعكس بيغلطوا واغلاطهم ممكن اكتر >>منكم بس برضه هذول اولاد لما يغلط الولد الكلام يجي عليه اما البنت لما تغلط >>الكلام يجي عليها وعلى وابوها وامها واخوانها يعني عيلتها كلها وحرام تكون >>بنت من عيله محترمه وكبيرة هيا الي تشوه سمعتهم على شي مايستاهل>>>>>> ليه البنت تحب واحد او تكلم 100 واحد وكلهم مايستاهلوا ؟>>>>دحين صاير تفكير اغلب البنات بس في الديت والخرجات مع الاولاد وبس كدا يعني >>دحين تخرج مع صحباتها بس كلامهم كله دا انا حبيبي كدا وكدا وانا امس رقمني >>واحد مره كيوت ومدري ايش طيب ياماما د الولد الكيوت الي رقمك رقمك بالعربي >>اما عشان يلعب عليكي وكدا او عشان ينام معاكي>>>>دحين اغلب البنات صار عندهم 3 جوالات واحد لاهلها والتاني خاص والتالت للعب >>والفله ليش كدا بالله الفله دي اش حتفيدك يعني ؟ اش حتفيدك بعدين لما ربنا >>يحاسبك وعلى كل شي سويتيه>>>>>>طيب دحين في انواع كتير من البنات>>>>بنت مخلصه هيا الي تكلم واحد بس وتحبه وتسوي أي شي عشانه وفي النهايه يلعب >>عليها وتصير بنت لعابه او تكمل فنفس الطريق وهيا الخسرانه>>>>>>وبنت لعابه دي تلعب على كل الي تكلمهم وتحبهم كلهم وتطلع بفوائد جوالات >>وهدايا .....الخ وبصراحه هيا الخسرااااااااانه منجد لانه كل شي ااخدته دحين >>حيروح منها بعدين>>>>>>وبنت بس كدا حقت تسليه يعني تكلم كتير وكدا وبس عشان تتونس وتضيع وقت>>>>>>واخر شي واحسن شي بنت شريفه دي البنت مره يناس عليها دي البنت لما تخرج اول >>شي تسويه تغطي كويس وطبعا ماتسوي زي الباقيين ( فل ميك اب ومعطره على الاخر >>والعبايه مفتوحه ) ودا النوع احسن نوع من البناات وان شاء الله يارب كل >>البنات يصيروا زي كدا يارب>>>>>>المهم اتمنى انه محد يزعل من الكلام الي في المسج دا>>وارجع اقول انه دا الكلام مو لكل البنات>>بس دي اليومين فجدة المسخرة زادت وكل شي زاد>>>>يالله اتمنى انه كل البنات يقروا د المسج وكل احد يوصله المسج دا يرسله لكل >>البنات الي يعرفهم وكل البنات يرسلوه لصحباتهم والقروبات وكل شي وبعد مايقروه >>يفكروا كويس ويشوفوا هما من أي نوع ؟ ويحاولوا يغيروا نفسهم عشان في يوم >>القيامه ربنا حيحاسبنا على كل صغيرة وكبيره وان شاء الله ربنا يهدينا كلنا >>ونتقابل في الجنه ان شاء الله>>>>المهم خلاص كدا طولت عليكم يالله لاتزعلوا سلااااااااااااااااام>>>>>>منقووووووووووووووووووووول

[Daddy's Babygirl]

هاي هكونا ماتاتا
تلطيييييش دا التوبيك
اول شي ابغا اقولك هوا انتو لو كانت البنت ماتغطي شعرها لمن تطلع وتكون عبايتها مفتوحة هيا بكيفها ربنا يحاسبها وانتو مالكم تقولولها لأ؟, مو الواحد لمن يحش نقعد نضحك معاه مع انو الحش معصية, طب نفس الشي موضوع الحجاب... يسير لا تشتمو البنات الي مو محجبات, هيا حرا زي ماالواحد حر يعمل اي معصية, احنا ندعيلهم بس مو نشتمهم ولا نربط الفساد بيهم, ماياااااما شوفنا بنات من كتر "مايخافو ربنا" بيغطو وجيههم ويكلمو قايز!, في كتير مو محجبات ومحترمات ومرررا يتكسفو لمن يتقالهم مايسير تطلعوا من غير طرح, اقلها دولا صريحين مو ينافقوا زي الي يتحجبو هنا وبرا لا
تاني شي حكاية البويفريندز
خلينا نكون واقعيين, البنات في عمر المراهقة بيعيشو فراغ عاطفي, يملوه بإية لمن اهلهم بيبعدو عنهم, ووازع الديني ضعيف(مو هما علمونا واحنا صغار انو الدين عوقد وغلازا فالواحد يقول لو مااتدين يكون احسن), والعالم الي حولينهم صحباتهم وكدا بيكلموا, وكل السبل ميسرة انها تتعرف على قايز, من كتر مالموضوع سهل ,سار مو الشاطر الي يتعرف,الشاطر الي يقدر يمنع نفسو من انو يتعرف. وتقولو البنات ايشبهم سارو يتعرفو على قايز!!! هوا غلط انا عارفة وانا مأيداكي, بس اكبر غلط اننا نلومهم ونبين انهم مصيبة ومرا ماهم متربين من غير مانلتمسلهم الاعذار الي قولتها فوق
فعشان يتحل الموضوع دا مافي غير حل واحد, لا رقابة الاهل ولا اب يقول لبنتو ماتطلعي كدا حتحل دا الشي لانو الواحد يعاند ولو ماسوا من قودام اهلو يقدر يعمل من ورا اهلو, فالحل هوا: انو الواحد يقوي علاقتو بربنا, لانو الفراغ العاطفي دا لمن يملاة ربنا يسير حبيبك وصاحبك وكل عمرك ربنا, فلمن تحبي احد من كل قلبك حتعملي كل الي يحبو :حيتغطى الشعر-حتخرج من غير ميك اب-من غير عطر-ماتكلم قايز .....الخ
فمرا غلط نقول للعالم بطلو تكلموا اولاد عشان كدا حرام وحتروحو النار, لانو محد رح يسمع كلام اتسمع كتير وهما مايقدرو ينكرو انو الي بيعملوة غلط, احنا نقول شي واحد وهوا: اعرفو ربنا, لانو بعد مانعرفو رح نحبو على طول وبعد مانحبو حنعمل الي يبغاة مننا
والكلام الي على بنات جدة دا غلط 100% دا كلام العالم الهبلة, بنات جدة مافي الزز واطيب منهم
وحكاية البنات الي ينزلو صورهم هما والله حرين, ايش حلال على القايز حرام علينا يعني؟؟ المحجبة تلف طرحتها وتتصور والمو محجبة برضو, ايش المشكلة في دا نفسي افهم
ثانكس علتوبيك

[BASH]

احم احم....
الكلام يلي قلتي مش ميه ميه
عن جد وللهي
البناات محترمااات اوي اوي يعني النووع يلي قلتي عنووو يتعد بالاصابع
واحد ..اتنين ..
وبعدين اديكي بووكس :2d0:
ايس اانوا الولد لو غلط يجي عليه لوحدوو والبت على اهلهاا كوولهم
دا ما يسماا كلاام ناااس زمااان وبدونزز
وتعالي هنا :4: البناات كوولهم قدعااان واوعك تاولي كداا لاحد
ومعليش داا المودوع تقدري تنزليه بس بي كلاام احسن من كدااا وارتب سوويه
لانوو انا عني الصرراحه قريتوو وقلت ايس الهبل داا وما اتوقعت انوو تفكيرك كداا


والصرراحه الغلط كوولوو جاا من الاولاد في البداايه لانوو للاسف في نااس قداامى ربوووو اولادهم انو الولد يسوي اي سي والبت لا لا لا
انا عني لو اجمع الاولاد واحطهم في كوكب تاني احسلي لانووهم مخدين الدنيا اونطه :4:
واحنا البنااتقدعان اوي وللهي :1dd9:

وثااااااااانكس اوي اوي ومعليس انا اتكلم بصرراحه اوي
وكلام داديز بيبي قيرل ميه ميه وللهي :1dd9:

وبس

[الكـــــاسرRabee3]

8
8
8
8
8
8
8
زيـــــــــي اللي قبلي

[soul_823]

هكووون متاتاة

تسلمي موووووت على الكلام الرائع هذا بغض النظر انو ملطوووش

لكن الكلام واقع الكلام مو على بنات جدة بس لأ بدون تحديد الكلام على جميع المملكة

لما بنروح الكباين ايش بنشوف

انتو قولوا واحكموا البنت كلامها صح

وتاني شي المكياج الزايد عن حدوا مالوا داعي البنت حلوة على طبيعتها

وترى الناس بيفهموا غلط افهموا هذي الفكرة سار دحيين كلام الناس مررة كتير

الناس ساروا ملاقيف

وغير حتنبسط البنت لما واحد يديها عين يعني وتترمي في بيت اهلها

برة وبعيد انشالله في عدوينا

بس يا هكونا متاتاة

بجد تسلمي يا قموووورة على الكلام والموضوع

ماكنت متوقع انو بنت تنزل الموضوع هذا
تحياااتي

[soul_823]

ومعليييش كمااااان البنت اي شي تسويه يرجعلها وعلى سمعتها

احنا الان في زمن القيل والقال

انتبوا على نفسكم

اخوكمsoul

[المرجوجة]

بجد المفرووض ماننكر انو في بنااات زي كذا بس برضو مانخصص بنات جده

في كل مكان في الصالح والطالح

وبجد البناات الي زي كذا احس ماعندهم اخلاق ولا دين

يخرجوا بس عشان يتمنظرو قدام الشباااب

ومانقدر نعم كل البناات

والحمدلله اكثرهم مو زي كذاا

ويسلموووو هكونا متاتا عالنصيحه الحلوه

يعطيك العافيه

[L0La2 alzaAa7fa]

طبعي يكون في قلة ادب في الكباين بزات في دي الاوقات من السنة
بس من جد خلينا واقيعيين شوية
جدة كلها بدو
هما في الصيف يجو عندنا كانو جدة باريس
يفلتو بناتهم على اولادهم
وهما يشتغلو بنور الله
ولمن يرجعو على بلدهم يقولو والله اهل جدة صايعين بس يلا انتي قوليلي مين الصايع
المشاكل في الرياض اخص من المشاكل اللي في جدة
ولو تلاحظي طول ما بنت تنفضح
ما تكون اسم عيلتها غير جهني اوغامدي لوشهري
كلهم بدو 07
الا قليل منهم ونادرا ما تطلع وحدة من جدة
وزي ما قالت bash
بنات جد قدعان ومحد يقدر يمس شعرة من شعراتها

ويسلمووووووووو

[كتكوته ومره كيوته]

واللهي صح كلامك هما البدو حقون الرياض لما يجو عندنا يخربوا الدنيا وازا احد سألهم يقولوا والله بنات جده قليلين ادب ومايستحو ومن دا الكلام
وبعدين النصيحه عمرها ماكانت كدا بالعكس لما احد يجي ويقول اعمل كدا ولاتعمل كدا مافي احد راح يسمع كلامو
والغلط بيجي على الولد والبنت سوا مو عشان هوا ولد وشايل عيبو معاه والبنت كل الغلط عليها والضغط لما تنفجر وتبدأ تنحرف وساعتها يكونوا الاهل هما السبب
وثانكس ليكي مراا على الموضوع لانو عن جد في ناس كتير اخدت فكره غلط عننا

[soul_823]

خلاص على كده يا لولوا اسمعي أغنيتي عن كلاش والبدو

و07

وقلولي رايكم القسم العام

http://www.jeddahguyz.net/vb/showthread.php?p=134614#post134614

[hkona mtata girl]

معليش يا قايز لا تزعلو مني انا ماكان قصدي كدا والله وبعدين والله مو انا الي منزله دا الموضوع وتاني شي ماقريتو بس من جد لحد يزعل مني انا مرا ماقصدي كدا وان كان على بنات جده من جد اشبهم بنات جده زي العسل
يلا بس شكرن على ردودكم امانه لحد يزعل

[الهـــاوي_مكه]

اولا بجد تستاهلي النوقاط وبصراحه الموضوع ذا منتشر بالمملكه كلها تقريبا مو بس جده

وبصراحه شئ يحزن انو البنات سارو يرخصو نفسهم لذي الدرجه

ومعروف الولد بالله يتعرف على وحده بكباين ولا سوق وحيتجوزها مو معقول

هوا ما اتعرف عليها الا لغرض واحد طبعا الكل يعرفه ما يبلها عاد

لو اخذو رماها رميت الكلاب وشاف غيها

جزاكي الله الف خير

[hkona mtata girl]

يسلمو على ردك العسل يا عسل

[miss romans]

ما اقول غير تسلمي على الموضوع الحلو ياعسل
بصراحه انا لمن اشوف بنات زي كده ادعيلهم انو ربي يهيديهم واقول الحمد لله انو اهلي ربوني على الادب والحيا

[D!va SooRa]

سلاااااااااااااام..

ساااااااااانكس على المودوع يا هيلوة..

و ردي بسييييييييط أوي..

الطيب و البطال في كول مكان..

و ترا الهرجه مش بس في جدة حتى ما نكون ظلمناهم..لكن في كول مكان..

و ده هوا اللي يشوه سمعة المملكة..المفاجيع اللي يروحو برا المملكة و ينسو انو ربنا موجود في كول الدونيا..

أما بالنسبة للبنوتات اللي يخرجو بفل ميك أب..فهادولا بيعرفو انهم وحشين..

عشان كدة..بيعملو هيك.....الحمد لله انهم ما بيقولو شو هو شركة مكياجهوم..و الا جابولهوم الخساير..

غيرتك في محلها الله يحفظك..بس لكن..تعرفي..

امكن ممكن انك تتناوليه بشيء من المرونة..

لا تنسي((و ان كنت فظا غليظ القلب لانفضو من حولك))..

و ما نقدر نقول غير الله يهديهوم..يا رب..

فنحنا ما ندري شو بيعملو في غير ما نحنا شايفينهم..

دا رأيي..و السلام خير ختام.

[hkona mtata girl]

تااااااااااااااانكس سا قمرز على ردودكم